هنعمل 23سلسلة -3 سلسلة بدل او ل عمود فى السلسلة الرابعة نعمل عمود وبعده سلسلة وبعده 2 عمود (صدفة )بعدها نشتغل على ال18 سلسة 18 عمود بلفه وفى السلسلة رقم 20 نعمل صدفة (2 عمود سلسلة 2 عمود )
يبقى الناتج صدفة 18 عمود صدفة
السطر الثانى تعملى 2 منزلقة على 2عمود بتوع الصدفة لحد ما توصلى للسلسة وتشتغلى فى فراغ الصدفة صدفة (2 عمود سلسة 2 عمود ) وفوق كل عمود عمود
وتكررى السطر ده كمان مرة
السطر الثالث نفس الثانى
السطر الرابع هتشتغلى صدفة فوق الصدفة وفوق اول عمود تشتغلى 2 عمود (تزويد)وتشتغلى فوق كل عمود عمود لحد ماتوصللى لاخر عمود قبل الصدفة وتعملى 2 عمود وتختمى السطر بصدفة
بتكررى السطر الرابع كمان 7 مرات يبقى عندك 8 اسطر فيهم زيادة واول 3 سطور من غير زياد
ممكن تزودى الاسطر كمان سطرين او 3 حسب مقاسك
السطر 12
اشتغلى صدفة فوق الصدفة وفوق اول عمود اشتغلى 3 عمود بلفة وكملى فوق ك عمود عمود والعمود اللى قبل الصدفة اشتغلى فوقه 3 عمود وبعدها اشتغلى صدفة فوق الصدفة
السطر 13
اشتغلى فوق الصدفة صدفة وبعدين سلسلة وبعدين عمودين بلفة( كلهم فوق فراغ الصدفة )
اول عمود اشتغللى عليه 3 عمود بلفة
فوق كل عمود عمود لحد ماتوصلى للعمود اللى قبل الصدفة تشتغلى فوقه 3 عمود بلفة
وفوق الصدفة تشتغلى 2عمود بلفة وبعدهم سلسلة بعدين صدفة (2عمود سلسلة 2 عمود )
ركزوا فى النقطة دى دى كل واحدة هتحدد منها امقاسها
هتشتغلى صدفة فوق الصدفة وفوق السلسلة اللى بين الصدفة وال 2 عمود هتشتغلى عمود بلفة
هتشتغلى 3 سلسلة ارتفاع السطر فوق العمود وصدفة فو ق الصدفة وتكررى الصدفات لحد ماتوصلى لمقاس الوسط اللى تحبيه
انا عملت 6 صدفات
خدى بالك ان الصدفات دى بتعمليها يمين وشمال
فقيسى طول الصدفات لوحدها وقيسى عرض الشغل الصدفات وباقى السطر وليكن مثلا طلعوا 35 سم والصدفات 10 يبقى الكل الوقتى 45 وده العرض اللى انت عاوزاه
هنا تكة صغيرة بعد ما عملنا الصدفات عاوزين نطول اجنب التانى زيهم ؟؟؟؟؟
هنيجى نعمل منزلقة على طول الاعمدة زى الصورة كده وتكملى لاخر السطر لحد ماتوصلى للسلسلة اللى بين ال2 عمود والصدفة اللى فى اخر السطر
بعد ما مشينا بمنزلقة لاخر السطر نشتغل عمود فوق السلسلة االلى بين العمودين والصدفة ونشتغل صدفة فوق الصدفة
واشتغل نفس العدد اللى اشتغلته الناحية التانية 6 بردوة
الصورة اللى بعدها هتوضح شكل السطر
السطر الجديد هتشتغلى صدفة فوق الصدفة فوق كل عمود تشتغلى 3 عمود بلفة وتكملى لحد الاخر
هنا شكل السطر بعد ما اشتغلنا الاعمدة وصدفة فى اول السطر وصدفة فى اخره
اشتغلت كمان 3 سطور فوق اخر سطر
بقوا كده 4 سطور
ممكن تزودوا كمان سطرين لو المقاس اكبر
هنا هنبدأ شغل الجزء اللى فى النص
طلع معايا 84 عمود بعدطبعا مازودت
هقسمهم نصين 42 عمود يمين وزيهم شمال
هتشتغلى صدفة فوق الصدفة وبعدها سلسلة وبعدين 2 عمود وبعدها سلسلتين
يبى 2 عمود وفى الثالث اعملى حشو
وبعدها قوس من 5 سلسلة وسيبى تحته 2 عمود واعملى حشو فى الثالث وكررى قبل النص ب 3 عمود
وصلنا للنص عملت 12 قوس
بعد القوس ال12 اعملى 2 سلسلة وسيبى غرزتين وفى الثالثة اشتغلى 2 عمود لفة وبعدها 2 سلسلة وفى الغرزة اللى جنبها اعملى كمان 2 عمود وبعدهم 2 سلسلة وسيبى تحتهم 2 عمود وفى الثالثة اعملى حشو
بعدها اعملى اقواس لاخر السطر وفى الاخر تختمى بعمودين وصدفة زى اول السطر