طريقة عمل بليرو بسيط وسهل

[ندعوك للتسجيل في المنتدى أو التعريف بنفسك لمعاينة هذا الرابط]

بسم الله نبتدي

المتطلبات :
1. إبرة مقاسها مناسب للخيط أنا استخدمت إبرة مقاس 3 ملم
2. لونين خيوط اللون اللي في الظهر 100 غرام واللون اللي على الأطراف 200 غرام .. والمجموع 300 غرام
وممكن تعملي البوليرو كله بنفس اللون يبقى هتجيبي 300 غرام من نفس اللون ..
أنا جبت للضهر البكرة دي

[ندعوك للتسجيل في المنتدى أو التعريف بنفسك لمعاينة هذا الرابط]

وللأسف ملقتش صورة للخيط الأبيض اللي استخدمته

3. ممكن إضافات بسيطة لو مثلا تحبي تحطي زرار أو خرز براحتك لكن مش حاجة أساسية

الغرز المستخدمة :
1. غرزة السلسلة
2. غرزة المنزلقة
3. غرزة العمود وهي العمود بلفة ( كمان لازم تكوني عارفة ارتفاع غرزة العمود اللي هو 3 سلاسل )
4. غرزة الصدفة ( وهنعملها هنا 2عمود . سلسلة . 2عمود )

اختصارات الغرز :
1. غرزة السلسلة ( س )
2. غرزة العمود ( ع )

ملاحظة بسيطة :
أنا لما باجي اقطع الخيط بعمل سلسلة قبل ما اقطعه عشان ما يتفكش مني يعني مثلا لو قلت منزلقة واقطعي الخيط يعني منزلقة وسلسلة واقطعي الخيط ( الخطوة دي بعملها دايما بس خفت أكتبها عشان يمكن تلخبط الفتوكات )

أنا جبت بترون للغرزة اللي هنستخدمها في الظهر للتوضيح

[ندعوك للتسجيل في المنتدى أو التعريف بنفسك لمعاينة هذا الرابط]

الخطوات:
اليوم الأول :
هنعمل المربع اللي في الظهر

1. نعمل 5 س ونقفلهم بمنزلقة

[ندعوك للتسجيل في المنتدى أو التعريف بنفسك لمعاينة هذا الرابط]

2. نرتفع 3 س ( بدل أول عمود )

[ندعوك للتسجيل في المنتدى أو التعريف بنفسك لمعاينة هذا الرابط]

3. نعمل 2ع في نص الدايرة و2س

[ندعوك للتسجيل في المنتدى أو التعريف بنفسك لمعاينة هذا الرابط]

3. هتعملي .. ( 3ع - 2س ) 3 مرات _ منزلقة في 3 س من التلت سلاسل اللي عملناهم في بداية السطر

[ندعوك للتسجيل في المنتدى أو التعريف بنفسك لمعاينة هذا الرابط]

4. بعدين منزلقة في كل عمود من العمودين اللي جنب ال 3 س عشان توصلي للفراغ اللي بعده ومنزلقة كمان في الفراغ
( باختصار الخطوة دي بنمشي للفراغ بمنزلقة على الغرز اللي نلاقيها لحد ما نوصل للفراغ - كدا السطر خلص )

( سطر جديد )
5. نرتفع 3س بدل أول عمود - هنعمل ( 2ع - 2س - 3ع) في نفس المكان اللي هو فراغ السلاسل بعدين اعملي سلسلة

[ندعوك للتسجيل في المنتدى أو التعريف بنفسك لمعاينة هذا الرابط]

6. دلوقتي هنعمل ( 3ع - 2س - 3ع - 1س ) في فراغ ال 2س اللي بعده * 3 مرات ( وكل مرة طبعا هنعمل في فراغ تاني )

[ندعوك للتسجيل في المنتدى أو التعريف بنفسك لمعاينة هذا الرابط]

7. منزلقة في تالت سلسلة من السلاسل اللي عملناهم في بداية السطر

[ندعوك للتسجيل في المنتدى أو التعريف بنفسك لمعاينة هذا الرابط]

8. هنمشي للفراغ اللي بعده بمنزلقة على الغرز اللي نلاقيها ومنزلقة كمان في الفراغ ونبتدي سطر جديد وهنتبع النمط التالي :
نبتدي السطر بارتفاع 3 سلاسل بدل أول عمود ونعمل (2ع - 2س - 3 عمود)

ملاحظة :
من بداية السطر التاني احنا دايما بنبتدي السطر في الزاوية ( الكورنر ) يعني في كل زاوية هنعمل ( 3ع - 2س - 3ع ) بس طبعا في بداية السطر بنستبدل واحد من العواميد بارتفاع 3 سلاسل
وبعدين تكملي عادي ( 3ع - 1س ) في كل فراغ لغاية ما توصلي للزاوية واعملي فيها زي ما قلتلك وبعدين لما تخلصي السطر اعملي منزلقة في ثالث سلسلة من السلاسل اللي عملناهم في بداية السطر ومنزلقة على كل العمودين اللي قدامك ومنزلقة في الفراغ وابتدي
سطر جديد بارتفاع 3س وهكذا ......

أنا عملت 10 سطور ممكن إنت تعملي 8 لو الخيط أتخن وممكن تزودي عن 10 لو الخيط رفيع المهم المربع يبقى عل قد ظهرك أو بمعنى آخر يكون بطول كتفك .. وتقطعي الخيط وتخفيه ..

[ندعوك للتسجيل في المنتدى أو التعريف بنفسك لمعاينة هذا الرابط]

اليوم التاني :
هنعمل 6 سطور من غرزة الصدفة

دلوقتي هنعمل هنعمل السلسلة اللي هنبني عليها بقية البوليرو وممكن تكون بأي لون من اللونين .. وأنا استخدمت اللون الأبيض اللي هكمل بيه باقي البوليرو
9. اعقدي الخيط العقدة العادية اللي بنعملها دايما في بداية أي شغل واعملي منزلقة في أي زاوية

[ندعوك للتسجيل في المنتدى أو التعريف بنفسك لمعاينة هذا الرابط]

10. اعملي عدد سلاسل يقبل القسمة على 5 ( مثلا 80 ) ونقصي سلسلاية يبقى تعملي 79 س واعملي منزلقة في الزاوية المقابلة ليها من الناحية التانية وبعدين اقطعي الخيط واخفيه .. أنا عن نفسي كنت عايزة أعمل 79 بس طلعت معايا 80 بالغلط وتأكدي إن السلاسل على أد إيدك يعني تدخلي فيها إيدك بالراحة متكنش ضيقة عليك .. واعملي الحكاية دي في الناحية التانية ( اعقدي الخيط ومنزلقة في الزاوية – اعملي سلاسل نفس العدد اللي عملتيه في الناحية التانية – منزلقة في الزاوية المقابلة واقطعي الخيط )

[ندعوك للتسجيل في المنتدى أو التعريف بنفسك لمعاينة هذا الرابط]

*.. يتبع ..*var vglnk = { api_url: 'http://api.viglink.com/api', key: 'a187ca0f52aa99eb8b5c172d5d93c05b' };

*.. تـــــــــــابع ..*

جا في بالي فكرة إني ممكن أقف عند النقطة دي واقفلها من الجنب واعملها شنطة سواريه بس تراجعت عن الفكرة [ندعوك للتسجيل في المنتدى أو التعريف بنفسك لمعاينة هذا الرابط]

11. دلوقتي هنبتدي نعمل الصدفة ( نعقد الخيط ومنزلقة في أي زاوية _ نعمل ارتفاع 3س بدل أول عمود - 1ع - 2س - 2ع ) في نفس فراغ الزاوية بعدين ( 1س - صدفة في الفراغ اللي بعده ) وكرري لغاية ما توصلي للزاوية المقابلة .

[ندعوك للتسجيل في المنتدى أو التعريف بنفسك لمعاينة هذا الرابط]

12. لما نوصل للسلاسل هنعمل صدفة كل 5س يعني نسيب 4س ونعمل في الخامسة صدفة وبين كل صدفة وصدفة 1س
( السطر دا هياخد منك شوية وقت لأنك هتقعدي تعدي السلاسل بس إن شاء الله السطور اللي بعده هتبقى أسهل بكتير )

[ندعوك للتسجيل في المنتدى أو التعريف بنفسك لمعاينة هذا الرابط]

13. لما توصلي الناحية التانية كملي عادي في الفراغات

[ندعوك للتسجيل في المنتدى أو التعريف بنفسك لمعاينة هذا الرابط]

14. لما توصلي لنهاية السطر اعملي منزلقة في تالت سلسلة من التلت سلاسل اللي عملناهم في البداية

[ندعوك للتسجيل في المنتدى أو التعريف بنفسك لمعاينة هذا الرابط]

15. اعملي منزلقة في العمود اللي جنب التلت سلاسل ومنزلقة كمان في فراغ السلسلة اللي جنبهم ( بمعنى آخر إمشي بمنزلقة لأول فراغ سلسلة - كدا أول سطر خلص )

[ندعوك للتسجيل في المنتدى أو التعريف بنفسك لمعاينة هذا الرابط]

16. هنعمل سطر جديد ونبتديه بارتفاع 3س ( ع - 1س - 2ع ) في نفس المكان

[ندعوك للتسجيل في المنتدى أو التعريف بنفسك لمعاينة هذا الرابط]

17. كملي بقية السطر ( صدفة - 1س - صدفة - 1س ..... ) وهكذا لغاية لما تخلصي السطر ( وطبعا كل صدفة فوق الصدفة الموازية ليها في السطر اللي قبله )

18. لما توصلي لنهاية السطر هتعملي منزلقة في تالت سلسلة وبعدين منزلقة على العمود اللي جنب التلت سلاسل ومنزلقة كمان في فراغ السلسلة اللي جنبهم وكدا السطر خلص ..

19. كل سطر هتبتديه ب 3س ارتفاع بدل أول عمود وبعدين ( ع - 1س - 2 عمود ) في نفس المكان وبعدين كملي عادي وبين كل صدفة وصدفة سلسلة ..

20. اعملي 6 سطور بين كل صدفة وصدفة سلسلة .

اليوم التالت : هنعمل السطور ابتداءً بالسطر السابع وانتهاءً بالسطر الثاني عشر ( وهو السطر الأخير )

21. احنا عملنا في البداية 6 سطور بين كل صدفة وصدفة سلسلة .. دلوقتي هنعمل السطور رقم (7-8-9-10) بين كل صدفة وصدفة سلسلتين ( واستعيني بالخطوة 18 و 19 ) عشان تعرفي إزاي تنهي وإزاي تبتدي السطر

22. هنعمل آخر سطرين بين كل صدفة وصدفة 3 سلاسل .. ( وارجعي للخطوة 18 و 19 ) عشان تعرفي إزاي تنهي وإزاي تبتدي السطر

صورة توضيحية

[ندعوك للتسجيل في المنتدى أو التعريف بنفسك لمعاينة هذا الرابط]

23. لما توصلي لنهاية السطر هتعملي منزلقة في تالت سلسلة وتقطعي الخيط وتخفيه ..

الشكل النهائي

[ندعوك للتسجيل في المنتدى أو التعريف بنفسك لمعاينة هذا الرابط]

شكل البوليرو في اللبس

[ندعوك للتسجيل في المنتدى أو التعريف بنفسك لمعاينة هذا الرابط]

من الظهر

[ندعوك للتسجيل في المنتدى أو التعريف بنفسك لمعاينة هذا الرابط]

يارب يكون البوليرو عجبكم ويارب يكون شرحي واضح ..
أي واحدة عندها سؤال في البوليرو أنا تحت أمرها .. [ندعوك للتسجيل في المنتدى أو التعريف بنفسك لمعاينة هذا الرابط]

var vglnk = { api_url: 'http://api.viglink.com/api', key: 'a187ca0f52aa99eb8b5c172d5d93c05b' };

تسلم الايادى فكره جديده

شكلك ممتازة في الشغل
تسلمي

» طريقة عمل بليرو بالفيديو
» اسهل طريقة لعمل بليرو
» طريقة عمل اروع بليرو كروشيه
» طريقة عمل بليرو كروشيه اطفال بناتي
» طريقة مبتكرة وجديدة لعمل بليرو