حلوي هندية مشهورة جداااااا معمولة من اللبن ولذيذة جداااا ودايما موجودة في الاعياد والمناسبات وبعشقها جدااااااااااا
************************************************** **************
المقادير:
********
1كوب لبن بودرة
1/4 كوب دقيق
3ملاعق صغيرة من غرفة الزبدة غير المملحة
1/4 كوب حليب مش دافي ولا سخن
ملعقة صغيرة من بيكينج باودر
السيرب :
كوب سكر
2كوب ماء ملعقة صغيرة من الحبهان المطحون
2فص حبهان ماء الورد اختياري
زعفران اختياري
الطريقة:
هنبدأ نخلط المكونات الجافة كلها مع بعض ونخلطهم كويس اوي
بعدين نضيف الزبدة وبالراحة خالص نخلطها مع المكونات.
وبعد الخلط بشكل كويس جدااااااااااااا نبدأ نضيف اللبن واحدة واحدة (( علي فكرة العجينة لازم تلزق في الايد عشان فيها لبن ومتقلقيش اللبن البوردة هيشرب السوايل دي )) العجينة لازم تبقي ناعمة اووووووووووووووووى ومتبقاش ناشفة ولا طرية اووي عشان متتكسرش وتفك.
بنسيبها تهدا دقيقتين تكون مسكت نفسها ونغطيها عشان متنشفش في البرد اللي احنا فيه ده
في الوقت ده نكون مجهزين الحلة اللي بنعمل فيها الشربات
المية والسكر والحبهان (وده سر الطعم ) وعود الزعفران
بنحط المية والسكر وفصين الحبهان علي النار
ولما يبدأ في الغليان بنوطي النار خالص ونسيبه يكمل سواه
وبعد ما نطفي ممكن نحط الزعفران زي ما قلنا اختياري هو ومية الورد
نيجي للعجينة
بعد ما ارتاحت بنبدأ نعمل كرات بالحجم ده بالظبط (((هي لما هتتقلي هتكبر ))
في زيت غزير وسخن في مقلاة غويطة طبعااااااااا هنبدأ نقلي الجولاب جامون هنجرب نحط واحدة ونشوف الزيت سخن للدرجة اللي عايزنها ولا لسه
اول ما هنحط اول واحدة هتبدأ تكبر (( متحاوليش تحركيها او تقلبيها اول ما تطلع ع وش الزيت وتكبر سيبيها 15 ثانية وبعدين حركيها وهكذا عشان متفكش منك
حطي 5 او 6 مع بعض كل مرة وهياخدوا حوالي 5 او 6 دقايق عشان تستوي بس حاسبي عشان متتحرقش منك
هتلاحظي ان ملمسها جامد ولونها بني بعد ماتطلعيهم حطيهم علي ورق مناديل عشان تشرب الزيت الزيادة وتهدا شوية
بعدين تحطيهم في الشربات بتاعهم
! و بالهنا والشفا
منقوووووووول
الأربعاء أكتوبر 31, 2018 9:46 pm من طرف مفيدة155
موضوع: حلوي الجولاب جامون 
