ونشتغل فى اول غرزه غرزه واحده عمود بلفه و فى الغرزه اللى بعدها غرزتين عمود بلفه
هنكمل كده حتى نهايه السطر
هيتكون عندى فى النهايه 9 غرز
بالشكل ده
السطر التانى
وبعدين هنطلع تانى 3 سلسله و نلف الشغل
و نشتغل فى اول غرزه عمود بلفه و فى تانى غرزه عمود بلفه و فى الغرزه الثالثه عمودين بلفه
و نكرر نفس الحكايه حتى نهايه ال سطر
هيتكون عندنا 12 غرزه
و الشكل هيكون كده
السطر الثالث
هنطلع تانى 3 سلسله و نلف الشغل و نشتغل
الغرزه الأولى عمود بلفه و التانيه عمود بلفه و الثالثه عمود بلفه و الرابعه عمودين بلفه فى نفس الغرزه
و نكمل السطر كده و فى النهايه عدد الغرز هيكون 15 غرزه و الشكل كده
السطر الرابع نفس الحكايه بس هنعمل اول اربع غرز كل غرزه عمود بلفه و الخامسه عمودين بلفه
و نكرر العمليه دى
هيكون عدد الاعمده ف نهايه السطر 18 عمود
و الشكل كده
و السطر الخامس برده اول خمس غرز كل غرزه عمود بلفه و السادسه عمودين بلفه
هيتكون عندنا 22 غرزه و الصوره اهيه
السطر السادس اول 6 غرز عمود بلفه و السابعه عمودين بلفه و نكررها و يبقى عندنا 24 غرزه
و بكده نبقى وصلنا للعرض المطلوب و نشتغل كمان سطرين كل غرزه فيها غرزه واحده بس
يبقى ف النهايه اشتغلنا 8 اسطر و الطول من البدايه بقى 26 سم
و العرض بقى 10سم
و الشكل النهائى كده
و طبقت اول و تانى درس و الصوره النهائيه طلعت عندى بالشكل ده
الطول 26 سم و العرض من فوق 10 سم بس رفعت الشويه اللى تحت دول لانى معنديش غير بكره واحده بس من الخيط ده و خايفه تخلص قبل ما البندانه تخلص
و عامه الحته دى بتمثل الرباط اللى هنربطها بيه من ورا عشان كده ممكن تكون بأى عرض بس انا قلت انها تكون 3 سم لان العرض ده مناسب لان احنا نزود 7 سم فى 8 سطور عشان تكون 10 سم اسهل ما نعملها 1 سم و نكون محتاجين 9 سم عرض فى نهايه الخطوه التانيه
المهم كفايه رغى و ندخل ف الموضوع
بعد ما وصلنا للشكل اللى ف الصوره اللى فوق دى
السطر الأول هنرتفع 3 غرزه سلسله و نمشى بطول الصف غرزه عمود بلفه
و طبعا ف النهايه هيكون عندنا 24 غرزه
وبعدها هنشتغل 16 غرزه و نحط دبوس ف الغرزه رقم 16
الدبابيس عاديه جدا زى دى
ال 16 غرزه اهم
و بعد ما نركب الدبوس هنمشى كمان 10 غرز
هيبقى الشكل كده ان شاء الله
بس الصوره دى للأسف مش باينه أوى
عشان كده الصوره دى هتبين ازاى هنحط الدبوس اكتر بالرغم انها مش صوره الخطوه دى , صوره خطوه تانيه
وبعدها يا جماعه هنعمل غرزه عمود بلفه و ندخل ف الغرزه اللى فيها الدبوس
هيبقى الشكل كده
وطبعا الصوره دى برده مش باينه بس معلش الأضاءه كانت غريبه اوى وانا بصور الصور دى المهم هنشتغل بعد كده كمان 3 غرزه سلسله و نعد من اول نهايه العمود اللى تحت 3 غرز و ندخل ف الرابعه و نكرر الموضوع ده لحد ما نوصل لأخر السطر الشكل هيكون كده بس هيكونوا 4 وبعدين هروح راجعه تانى السطر كله عمود بلفه
وبعدين هطلع 3 غرز و اشتغل السطر كله تانى عمود بلفه هوصل للشكل ده
هعمل 3 سلسله و انزل بعمود فوق العمود اللى تحت هكرر ده لحد ما اوصل لأخر السطر الشكل هيكون كده هطلع 7 غرز سلسله و انزل بعمود بلفه فى اول عمود بلفه ف السطر السابق و اشتغل 3 سلسله و عمود بلفه ف العمود اللى تحته و هعمل كده لحد ما السطر يخلص و اشتغل باقى السطر عمود بلفه حتى النهايه و ارتفع 3 سلسله و الف الشغل و امشى عمود بلفه فى كل غرزه حتى اصل للنهايه وبعدين اعمل 3 غرز و انزل بعمود بلفه فى اول عمود ف السطر السابق و اكررها لحد ما ادخل ف اخر عمود ثم اعمل 3 سلسله و انزل بعمود بلفه فى الغرزه رقم 4 من اخر عمود ف السطر اللى تحت و نكمل الخطوات دى شويه كتير لحد ما الشغل يبقى 37 سم و هو نفس الدرس الأولانى بالظبط بس بالعكس يعنى كل واحده تشوف هى اشتغلت الدرس الأول ازاى و تعكسه و تشتغله و كل غرزه عملنا فيها زياده غرزتين نعمل فيها دلوقتى تقليل غرزتين يعنى نقفل غرزتين على الأبره مره واحده وانا مش هقدر اقولك بالظبط لأن انا عارفه ان كل واحده منكم عملت عدد سطور مختلف تبع الخيط بتاعها و باختصار كده هديكم مثال بسيط الشكل هيبقى كده [ندعوك للتسجيل في المنتدى أو التعريف بنفسك لمعاينة هذا الرابط]هنرتفع 3 غرز وامشى ف السطر كله نفس الناحيه التانيه بالظبط لو كنت الناحيه التانيه اشتغلت السطر كله بدون اى زيادات يبقى هشتغل السطر ده كله بدون اى زيادات لو كنت زودت غرزه احدد مكان الغرزه دى و اقلل فيها و التقليل بيكون عباره عن انى بشتغل ف الغرزه دى غرزه عمود بلفه عاديه بس مش بقفلها يعنى لما يتبقى معايا على الأبره لفتين بسيبهم وادخل ف الغرزه الى بعدها اشتغل غرزه عمود بلفه عاديه لحد ما يبقى معايا ع الغرزه 3 لفات اخدهم مره واحده و اكرر بنفس الطريقه لحد ما اوصل للشكل ده [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]دلوقتى هكون انا كده وصلت لحد اخر البندانه هلف حوالين الشغل بغرزه حشو لحد ما اوصل لحد اخر المربعات انا استعنت بصوره شغل أسامى لأنها صغيره ولأن عندى مشكله ف الكاميرا مش عارفه فيها ايه كل الصور بتطلع فيها مضلمه المهم همشى كده زى الخط الاسود ده [ندعوك للتسجيل في المنتدى أو التعريف بنفسك لمعاينة هذا الرابط]يعنى هروح و ارجع ف المربعات المخرمه دى طبعا بما ان الشغل بالجمب يعنى مافيش غرز ندخل فيها فاحنا هنلف حوالين الأعمده هنشتغل حوالين كل عمود غرزتين و فى كل فتحه ضيقه بين العمودين غرزه و برده حوالين الاعمده اللى ف المربعات دى نفس النظام لحد ما اوصل لطرف الشغل هنا كده ***هشتغل 40 غرزه سلسله طولهم حوالى 20 سم و هحط دبوس واشتغل كمان 33 سلسله و العدد ده هيتغير معانا كل مره عشان نعمل اختلاف ف الأطوال يعنى مثلا نخليه مره 30 و مره 28 و مره تانى 33 [ندعوك للتسجيل في المنتدى أو التعريف بنفسك لمعاينة هذا الرابط]وبعدها هنشتغل غرزتين عمود بلفه فى رابع غرزه من الأبره [ندعوك للتسجيل في المنتدى أو التعريف بنفسك لمعاينة هذا الرابط]وبعدها 3 اعمده بلفه فى كل غرزه هنلاقى الشكل بتاعنا بدأ يلف و يبقى كده [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]هقف قبل الدبوس ب 3 غرز [ندعوك للتسجيل في المنتدى أو التعريف بنفسك لمعاينة هذا الرابط]واشتغل ف الغرزه اللى عليها الدور 1عمود بلفه 1نص عمود 1حشو ال3 فى نفس الغرزه و بعدين افوت غرزتين فاضيين واجى ف الغرزه اللى فيها الدبوس و اقفل بغرزه منزلقه [ندعوك للتسجيل في المنتدى أو التعريف بنفسك لمعاينة هذا الرابط]هيبقى الشكل كده [ندعوك للتسجيل في المنتدى أو التعريف بنفسك لمعاينة هذا الرابط]همشى بقى طول السطر ال 40 غرزه اللى باقيين كل غرزه فيها غرزه منزلقه لحد ما اوصل للمربعات الصغيره دى اعمل برده غرزه منزلقه فى كل غرزه حوالين 3 مربعات ولو انتى شغاله بخيط رفيع اوى اعملى 4 مربعات وبعدين كررى تانى الخطوات من أول *** هنلاقى الشكل بتاعنا بقى كده [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]وبكده هنكون خلصنا كل الحجات اللى نازله من ورا دى و هنمشى برده بغرزه منزلقه بطول اللى باقى من الشغل لحد ما نوصل للأخر اللى لونه احمر ده [ندعوك للتسجيل في المنتدى أو التعريف بنفسك لمعاينة هذا الرابط]و نقفل الشغل و نقطع الخيط و نظبط كل حاجه و دلوقتى مش فاضلنا الا اخر درس فى البندانه دى و هو الورده و ادى صوره الورده اللى هننفذها بالباترون بتاعها للى تحب تشتغل من الباترون [ندعوك للتسجيل في المنتدى أو التعريف بنفسك لمعاينة هذا الرابط]وادى طبعا شرح الورده بالصور والتفصيل الممل للى ملهاش ف الباترونات اول سطر هنشتغل 4 غرز سلسله [ندعوك للتسجيل في المنتدى أو التعريف بنفسك لمعاينة هذا الرابط]نقفلهم بمنزلقه هيتكون عندنا شكل الدايره الكتكوته دى [ندعوك للتسجيل في المنتدى أو التعريف بنفسك لمعاينة هذا الرابط]السطر التانى هرتفع 3 سلسله [ندعوك للتسجيل في المنتدى أو التعريف بنفسك لمعاينة هذا الرابط]واشتغل غرزه بيكو ب 2 عمود فى ناس بيقولوا عليها بيكو و فى ناس بيقولو عليها بف يعنى منتفخه انا هقولكم الطريقه بتاعتها نفس طريقه التقليل هنشتغل اكننا بتعمل عمود بلفه بس مش هنقفله و هيتبقى معانا على الغرزه لفتين [ندعوك للتسجيل في المنتدى أو التعريف بنفسك لمعاينة هذا الرابط]نشتغل كمان غرزه عمود بلفه و هيتبقى معانا على الابره 3 لفات [ندعوك للتسجيل في المنتدى أو التعريف بنفسك لمعاينة هذا الرابط]هناخدهم كلهم مره واحده [ندعوك للتسجيل في المنتدى أو التعريف بنفسك لمعاينة هذا الرابط]وبعدين 3 غرز سلسله [ندعوك للتسجيل في المنتدى أو التعريف بنفسك لمعاينة هذا الرابط]وبعدين( غرزه بيكو ب 3 عمود بلفه جوا الدايره تانى وهى نفس اللى فوق بس هنزود كمان عمود يعنى ف النهايه هنسحب 4 لفات مره واحده من على لأبره و بعدها كمان 3 غرز سلسله) [ندعوك للتسجيل في المنتدى أو التعريف بنفسك لمعاينة هذا الرابط]نكرر الخطوه اللى بين القوسين دى 3 مرات هيبقى عندنا ف النهايه الشكل ده [ندعوك للتسجيل في المنتدى أو التعريف بنفسك لمعاينة هذا الرابط]هنقفل بغرزه منزلقه [ندعوك للتسجيل في المنتدى أو التعريف بنفسك لمعاينة هذا الرابط]السطر اللى بعده هنطلع غرزه سلسله و (( نعمل غرزه حشو فى داخل اول غرزه تقابلنا و بعدها هنشتغل غرزه نصف عمود 3 غرز عمود بلفه غرزه نص عمود جوا 3 غرز السلسله اللى ف السطر اللى تحت يعنى حوالين الغرز مش جواهم يعنى اول حشو جوا الغرزه نفسها و باقى الغرز حوالين الغرز مش جواهم)) [ندعوك للتسجيل في المنتدى أو التعريف بنفسك لمعاينة هذا الرابط]وبعدين هكرر تانى اللى بداخل الأقواس 4 مرات لحد ما اخلص السطر ولما نوصل لاخر غرزه هندخل ف اول حشو عملناها ونقفل السطر بمنزلقه الشكل هيبقى كده [ندعوك للتسجيل في المنتدى أو التعريف بنفسك لمعاينة هذا الرابط]هطلع بغرزه سلسله هلف الشغل و هشتغل غرزه حشو فى ضهر اول حشو عملتها كده [ندعوك للتسجيل في المنتدى أو التعريف بنفسك لمعاينة هذا الرابط]هشتغل 5 سلسله [ندعوك للتسجيل في المنتدى أو التعريف بنفسك لمعاينة هذا الرابط]و هدخل ف ضهر غرزه الحشو التاليه و اشتغل غرزه حشو طبعا هنعرف ان دى غرزه الحشو اللى احنا عايزينها ازاى؟؟ هنلاقى انها الغرزه الوحيده اللى جوا غرزه و الباقى حوالين الغرز هنكرر الموضوع ده لحد ما اوصل لأخر السطر و بعدين هقفل السطر ب منزلقه فى اول سلسله طلعت بيها ف السطر [ندعوك للتسجيل في المنتدى أو التعريف بنفسك لمعاينة هذا الرابط]الشكل هيبقى عامل كده [ندعوك للتسجيل في المنتدى أو التعريف بنفسك لمعاينة هذا الرابط]وبعدين السطر التالى هرتفع غرزه سلسله اعدل شغلى تانى (((واشتغل حوالين ال5 سلسله 1غرزه حشو 1 غرزه نصف عمود 8 غرز عمود بلفه 1 غرزه نصف عمود 1 غرزه حشو))) وأكرر ده فى كل فتحه لحد النهايه اقفل بقى بغرزه منزلقه فى اول سلسله طلعت بيها الورده هتبقى عامله كده [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]ولو حبينا نعمل صف كمان هنكرر تانى نفس اللى عملناه فى اخر صف و نزود عدد غرز العمود نخليهم مثلا 12 غرزه بدل 8 غرز منقول
الأربعاء أكتوبر 31, 2018 9:46 pm من طرف مفيدة155
موضوع: طريقة عمل بندانة للاطفال 
