جاتوه الشيكولاته

المقادير:


=====


كوب سكر عادى - كوب زيت ذرة - كوب لبن - كوب و نصف دقيق - نصف كوب كاكاو - بيضتين - كيس فانليا او نصف ملعقة صغيرة - كيس بيكنج باودر أو ملعقتين صغيرتين - ذرة ملح - ملعقتين صغيرتين سمن.


* استخدمى نفس حجم الكوب فى المقادير كلها.





الطريقة:


====


- هتحطى السكر والزيت واللبن والكاكاو فى الخلاط.


- تضربيهم كويس حتى تصبح مثل الكريمة.


- هتاخدى ثلث الكريمة فى طبق خارجى للتزيين.


- هتحطى على الكريمة اللى فى الخلاط البيض وكوب دقيق والفانليا والبيكنج باودر والملح.


- هتضربيهم كويس حتى يتجانس العجين.


- هتصبيهم فى قالب مستطيل مدهون بالسمن ومبطن بالدقيق.


- هتفردى العجينه كويس فى القالب.


- سخنى الفرن على درجة حرارة 180 (متوسط قبل الحامى) لمدة 10 دقائق قبل التسوية.


- دخلى الصينيه الفرن لمدة عشرين دقيقة.


- اعملى اختبار الخله (هتجيبى خله تحطيها فى الكيكه لو طلعت نظيفة تكون نضجت).


- خرجيها من الفرن و سبيها تبرد خالص.


- افردى عليها كريمة التزيين الى انتى حطتيها فى الطبق الخارجى.


- يتم قطع الأطراف الناشفة حتى تكون جميله عند التقديم.


- تقطع على شكل مستطيلات و تقدم بالهنا و الشفا





* استخدمى فى التقطيع سكينه طويله و رفيعه و حادة.

شكلها روووعة بتجنن

شكرا ع الوصفة اختي