ورشة منقولة لعمل فستان بنوتة}

[ندعوك للتسجيل في المنتدى أو التعريف بنفسك لمعاينة هذه الصورة]

الجزء العلوى :
الفستان يبدأ بسلاسل على قد محيط الوسط ويكون عددها يقبل القسمة على العدد 7 ونزود كمان سلسلة وهنعرف ليه بعدين
نقفل بمنزلقة ونطلع ب 3 س (سلسلة ) بدل اول ع (عمود بلفة )
ونكمل السطر ع بلفة فى كل غرزة ثم نقفل السطر بمنزلقة ونكرر كمان ع بلفة
ثم السطر التالت نعمل ع س ع س ع س لاخر السطر
السطر الرابع غرزة حرف (2ع فى غرزة واحدة ونترك بعدها غرزة من غير شغل ونكرر لاخر السطر
ويعتبر السطر 4 اول سطر من الباترون التالى

[ندعوك للتسجيل في المنتدى أو التعريف بنفسك لمعاينة هذا الرابط]
شرح الباترون
1:-سطر غرزة المروحة (9 ع بلفة وحشو قبلهم وحشو بعدهم ) وهو ده السبب فى العدد اللى يقبل القسمة على 7 لان ده معدل تكرار الغرزة ونزود س لاخر غرزة حشو فى السطر
2:-سطر غرزة حرف V (هنعمل ع س ع فى نفس الغرزة اللى هى غرزة الحشو فى السطر السابق ثم س ثم 3 حشو فى الاعمدة رقم 4 و 5 و 6 من اعمدة المروحة فى السطر السابق ثم س )
وطبعا بدأنا من السطر 4 بغرزة حرف فى والسطر الخامس هو اول سطر بغرزة المروحة والحشو بحيث اننا هنعمل مروحة فى الغرزة بين الحرف فى ونترك بعدها غرزة ونص ونعمل الحشو (يعنى مرة نعمل مروحة ومرة نترك ومرة نعمل حشو ونكرر للاخر 9))
وهنكرر السطرين دول لحد ما نوصل للابط وهنعمل كل سطرين بلون بحيث يكون اول سطر حرف فى وتانى سطر المروحة
ملحوظة :- لو حابين نعمل الفستان مقفول من فوق هنمشى على الشرح اعلاه ونخلى اول السطر واخره فى الجنب
اما لو حابين نعمل فتحة فى الضهر هنعمل اول السطر واخره فى منتصف الضهر و بعد ما نعمل نصف عدد السطور نبدأ نشتغل علىالمفتوح يعنى سطر رايح وسطر جاى بمعنى اخر نقلب الشغل على الضهر ونشتغل سطر على وش الشغل وسطر على ضهره لحد ما نخلص الجزء ده
[ندعوك للتسجيل في المنتدى أو التعريف بنفسك لمعاينة هذا الرابط]

الحمالات :-
عبارة عن وحدات من الورد وبتتشبك فى بعضها اثناء السطر الاخير
والباترون التالى ممكن نمشى عليه
بس نزود ورقة وردة لان الباترون فيه 7 ورقات ووردة الفستان 8 ورقات

[ندعوك للتسجيل في المنتدى أو التعريف بنفسك لمعاينة هذا الرابط]
شرح الوردة :-
هاشرح الباترون بس هاعدله بحيث ينفع نعمل 8 ورقات

السطر 1:عمل10 س ونقفلهم بمنزلقة
السطر 2 :نعمل 3 س بدل اول ع ثم نكمل 23 ع بحيث يكون المجوع 24 ع فى الحلقة ونقفل بمنزلقة
السطر 3 : نعمل 5 س ونقفل بحشو بعد 3 اعمدة ونكرر لحد ما نعمل 8 اقواس او 8 قنطرة (5س وقبلها حشو وبعدها حشو
السطر 4: نملأ السلاسل بالاعمدة باطوال مختلفة مثل الباترون
يعنى نبدأ بحشو ثم نص ع ثم 2 ع بلفة ثم 3 ع بلفتين ثم 2ع بلفة ثم عنص ع ثم حشو وننتقل للورقة التالية نكرر العمل
اول ورده هنعملها هنشبكها فى الفستان
يعنى نخلص لحد السطر التالت ثم نبدأ فى السطر الرابع ونعمل منه ورقتين كاملتين ثم نشبك الورقة التالتة فى الفستان بحيث نعمل نص عدد الاعمدة فى الورقة ثم غرزة حشو فى الفستان نفسه مكان التشبيك ثم نكمل الورقة التالتة للاخر ونعمل نصف عدد اعمدة الورقة الرابعة ثم حشو فى الفستان ثم نكمل الورقة الرابعة والخامسة واالسادسة والسابعة التامنة ونقطع الخيط ونخفيه
والوردة التانية بلون تانى بنفس الطريقة ونكرر لاخر وردة والحمالة فيها 4 وردات وطبعا اخر وردة هنشبكها فىالفستان تانى غير التشبيك فى الوردة التالتة يعنى هنشبك مرتين بنفس الطريقة

[ندعوك للتسجيل في المنتدى أو التعريف بنفسك لمعاينة هذا الرابط]
الجزء السفلى :-
هنرجع مرة تانية لسلاسل البداية اللى بدأنا بيها الشغل ونشتغل عليها من الناحية التانية لعمل الجزء السفلى
اول سطر عبارة عن اعمدة بلفة فى كل غرزة
تانى سطر ع س سع س ع س للاخر
السطر التالت هنعمل 2ع فوق السلسلة فى السطر السابق ثم نترك غرزة من غير شغل ونكرر لاخر السطر
والرابع اعمدة بلفة
والخامس اعمدة بلفة بس هنعمل غرزة سلسلة كل فترة بحيث نقسم السطر على 8 اقسام او مجموعات
بعنى عندنا فى المقاس اللى فى الصورة بعد 16 ع معمول س ومكرر للاخر
طبعا العدد هيختلف حسب المقاس المهم هنقسم العدد على 8 اقسام وبعد كل قسم نزود س مششش هنسيب تحتها غرزة هنزودها
السطر السادس :هنعمل ع س ع س لاخر السطر
السطر 7 : هنبدأ نعمل اول توسيع فى الفستان للتسهيل هنسمى كل قسم من ال8 غاقسام مجموعة
وفى السطر السادس هيكون عندى فى كل مجموعة 8 بوكس يعنى مربع صغير
هنعمل فى اول واخر بوكس 3 ع بلفة
وباقى البوكسات نعمل 2 ع بلفة يعنى الزيادة عمودين ومش هنشتغل فوق غرز العمود بلفة لأ هنشتغل فقط فى فراغ غرزوة السلسلة
انا خططت فى الصورة التالية لتوضيح الباترون اللى هنمشى عليه شوفوا معايا كده
[ندعوك للتسجيل في المنتدى أو التعريف بنفسك لمعاينة هذا الرابط]
كل شرطة معانها ع بلفة
والدايرة س
وطبعا مع تكرار الباترون كذا مرة كل مرة سطر الاعمدة هيزيد فى المجموعة الواحدة عمودين يعنى البوكسات اللى بعد كده هتكون 9 واللى بعدها 10 لحد ما نوصل للطول المناسب ونبدأ نعمل الحافة فى الديل
وطبعا اخر دورين فى الغرزة السابقة باللون الونين المختلفين
ونختم بحافة لطيفة وسهلة اوى
[ندعوك للتسجيل في المنتدى أو التعريف بنفسك لمعاينة هذا الرابط]

الحافة
هنعمل سطر ع س ع
وسطرين 5س وحشو قبلها وحشو بعدها
ثم سطر فيه اعمدة مائلة وهتتعمل كالتالى (3س بدل اول ع ثم غرزة بيكو ثم 3 ع بلفة ثم حشو فى القنطرة التالتية ونكرر 3 س وبيكو و3 ع ثم حشو لاخر السطر
شوفوا الصورة التالية
[ندعوك للتسجيل في المنتدى أو التعريف بنفسك لمعاينة هذا الرابط]

الرباط :-
هنعمل سلسلة طويلة على قد المقاس المرغوب
ونترجع عليها بسطر من غرزة المنزلقة بس هنعمل المنزلقة على اللفة التالتة اللى فى ضهر غرزة السلسلة هتدينا شكل زى الحبل بالظبط
او ممكن نعمل سطر حشو على السلسلة
[ندعوك للتسجيل في المنتدى أو التعريف بنفسك لمعاينة هذا الرابط]

» ورشة منقولة لعمل فستان بنوتة ببليرو
» ورشة منقولة لعمل فستان اطفال بالبوليرو
» ورشة منقولة لعمل فستان طفلة رائع
» ورشة فستان بنوتة
» طريقة بسيطة بالخطوات المصورة لعمل فستان بنوتة