سيدة مسلمة
Admin
اسم الدولة : 
عدد المساهمات : 2808
نقاط : 19607
تقييم : 128
تاريخ التسجيل : 26/05/2013
العمر : 53
الموقع : http://www.mslemat.com/
لعب الادوار
مرئي للجميع: الخبرة,
 |  موضوع: اساسيات الكروشيه  الثلاثاء يناير 14, 2014 4:40 pm | |
|
اساسيات الكروشيه
من [ندعوك للتسجيل في المنتدى أو التعريف بنفسك لمعاينة هذا الرابط] في 12 سبتمبر، 2013، الساعة 07:27 مساءً
الدرس الاول: غرزه السلسله [ندعوك للتسجيل في المنتدى أو التعريف بنفسك لمعاينة هذا الرابط]
الواجب هتعملى 20 سلسله
لدرس التانى: غرزه المنزلقه[ندعوك للتسجيل في المنتدى أو التعريف بنفسك لمعاينة هذا الرابط]?
الواجب هتعملى 6 سلسله وتقفلى بمنزلقه
الدرس الثالت :غرزه الحشو واسمها غرزه الحشو لانها تكون ماليه المكان اللى نعملها فيه بدون فراغات وهذه الغرزه مهمه جدا ودايما يكون رمزها+ اوx ارتفاع الغرزه سلسله واحده والارتفاع مهم لاى غرزه وبنعمله فى اول السطرعشان الشغل لا يميل دا شرح الغرزه
ودا الفديو [ندعوك للتسجيل في المنتدى أو التعريف بنفسك لمعاينة هذا الرابط]
الواجب بما انكم شطار عاوزه الواجب 10 غرز سلسله عليهم 3 سطور حشو مش كدا بس عاوزه كمان 5سلسله تغلق بمنزلقه ونعمل داخل الدايره 10 غرز حشو ونقفلهم بمنزلقه
الدرس الرابع : النصف عمود رمز الغرزه T واسمه نصف عمود لانه قصير عن العمود ,ويقال لها ايضا نصف بريد وارتفاع الغرزه 2 سلسله وطبعا الارتفاع دايما يكون فى اول السطر ونشتغل الغرزه بنلف لفه بالخيط عالابره ومعانا واحده من الاول اصبح معانا اتنين نغرز الابره فى السطر السابق فى الغرزه اللى هتشتغلى عليها وتسحبى خيط اصبح معانا تلاته نسحب خيط من التلاته دفعه واحده ودا شرح يسهل الموضوع اكتر [ندعوك للتسجيل في المنتدى أو التعريف بنفسك لمعاينة هذا الرابط]
الواجب 1/عمل 10 سلسله وعليهم سطرين بنصف العامود 2/ عمل 5سلسله وعليهم 10غرز نصف عمود ونغلق بمنزلقه ثم السطر التانى نعمل غرزتين نصف عمود على كل غرزه ونقفل بمنزلقه السطر اللى بعده نعمل غرزه على غرزه وغرزتين على غرزه ونقفل بمنزلقه
الدرس الخامس :غرزه عمود بلفه واحده او غرزه البريد غرزه اليوم مهمه جدا واساسيه فى اغلب الاعمال ركزو معايا ارتفاعها 3 سلسله والارتفاع نعمله فى بدايه السطر عشان يكون منتظم ومهم جدا تفهمو مسأله الارتفاع دى لانها فى كل الغرز
ولو تلاحظو الرمز هو نفس رمز نصف عمود ولاكن يزيد شرطهالشرطه دى معناها لفه طريقتها بنلف خيط عالابره وننزل مكان الغرزه ونغرز الابره و نسحب خيط تانى اصبح معانا 3 عالابره نسحب خيط تانى من اتنين بقى معنا اتنين نسحب خيط تانى من الاتنين الاخارى وبس كدا
ودا شرح الفديو
[ندعوك للتسجيل في المنتدى أو التعريف بنفسك لمعاينة هذا الرابط]
الواجب1-نعمل 15 سلسله ونشتغل عليهم دورين عمود بلفه 2-ننفذ الباترون دا وارجوكم ماحدش يشرحه افتكر الواجب سهل جدا
الدرس السادس :درس اليوم عن العمود بلفتين
ودا شرح فديو لمزيد من التوضيح
[ندعوك للتسجيل في المنتدى أو التعريف بنفسك لمعاينة هذا الرابط]
هنلاحظ انها ما تفرقش كتيرعن العمود بلفه ارتفاعها 4 سلسله والطريقه بنعمل لفتين عالابره ونغرز الابره فوق الغرزه المطلوبه ونسحب خيط كدا معانا عالابره اربعه نسحب خيط من اتنين ثم نسحب خيط من اتنين ثم نسحب خيط من الاثنين الباقين
الواجب1نعمل سلسله من 14سلسله ونعمل عليها 10 اعمده بلفتين هنعمل دورين من الاعمده بلفتين 2ننفز الباترون ده بس فى البترون عمود بلفه انتم هتعملوا بلفتين بدل لفه
ده الباترون اللى انتم هتنفزوا
[ندعوك للتسجيل في المنتدى أو التعريف بنفسك لمعاينة هذا الرابط]
اوك ده شرح الوحده بالفديو يا بنات [ندعوك للتسجيل في المنتدى أو التعريف بنفسك لمعاينة هذا الرابط]
الدرس السابع
غرزه العمود الامامى والعمود الخلفى ده فيديو يشرح لكم [ندعوك للتسجيل في المنتدى أو التعريف بنفسك لمعاينة هذا الرابط]
الواجب هتعملوا 20 سلسله وعليهم اعمده السطر التانى هتعملوا غرزه العمود الامامى والسطر الثالت غرزه العمود الخلفى واخر سطر هتعملوا مره عمود امامى ومره عمود خلفى يلا ورينى شتطارتكم بقى
الدرس الثامن
غرزه الفيشاره
الاسم الانجليزى : popcorn الاختصار : pop نلاحظ فى غرزة الفيشارة كنا بنعمل 5 عمود بلفة كاملين فى نفس الغرزة ونخرج الابرة من اخر غرزة ثم ندخلها فى اول عمود واخر عمود ونسحب منهم لفة واحدة كما فى الصورة التالية والناتج هو الشكل التالى ده فيديو هيوضح لكم [ندعوك للتسجيل في المنتدى أو التعريف بنفسك لمعاينة هذا الرابط]
الواجب هتعملو الباترون ده
[ندعوك للتسجيل في المنتدى أو التعريف بنفسك لمعاينة هذا الرابط]
ده جدول الغرز
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
الدرس التاسع
الغرزة المنتفخه من إسمها نعرف انها بتبقا منتفخه ويختلف حجمها على حسب عدد غرز النصف عمود المكونه لها فممكن نعملها بغرزتين او ثلاثه او اكثر حاجه اربع غرز
والغرزة المنتفخه بتبقا بارزة من أمام وخلف العمل يعنى بارزة من الناحيتين على عكس غرزة الفيشارة اللى بتبقا بارزة من ناحية واحده فقط
فى الدرس بتاعنا هنطبق الشرح على الغرزة المنتفخه المتكونه من 3 غرز نصف عمود
وعندنا 5 انواع من الغرزة المنتفخة ودول اشهر خمس انواع متواجده فى الباترونات هنشرح كل نوع بالتفصيلالغرزة المنتفخة المتكونه من 3 غرز نصف عمود فى نفس الغرزة
وبيكون رمزها فى الباترونات المرسومه
وشكلها كدا وسط الباترون المرسوم
وتعالوا نشوف بنعمل الغرزة دى إزاى بالصور
هنلف الخيط حول الإبرة وندخل الإبرة فى الغرزة المراد عمل المنتفخه فيها هنلف الخيط حول الإبرة مره أخرى ونسحبها خارج الغرزة (هنلاحظ اننا بنعمل غرزة نصف عمود بس مش هنكملها)ثم نكرر هذه الخطوه مرتين كمانيعنى هنلف الخيط حول الإبرة مرة تانية وندخلها فى نفس الغرزة ثم نلف الخيط حول الابرة ونسحبها خارج الغرزة ثم نلف الخيط حول الابرة مرة ثالثة وندخلها فى نفس الغرزة ثم نلف الخيط حول الإبرة ونسحبها خارج الغرزةهنلاحظ تكون 7 لفات على الإبرة(اللفه الأصلية الموجوده على الإبرة+لفتين لكل غرزة نصف عمود غير مكتملة)
هنقوم بلف الخيط على الإبرة وسحبها من خلال كل اللفات الموجودة على الإبرةأصبح عندنا الأن غرزة منتفخةولعمل غرزة منتفخه أخرى هنشتغل غرزتين سلسلة كما فى الباترون المرسوم اللى فوق كمسافه بين المنتفخه والأخرى ثم نلف الخيط حول الإبرة ونشتغل كما سبق فى لغرزة المراد عمل المنتفخه بها
والمسافات بين المنتفخة والاخرى بتبقا حسب الباترون يعنى ممكن يكون سلسلة او اتنين او اكتر وممكن يكون من غير مسافات خالص (لايوجد قانون معين فى المسافات بين المنتفخات وبعضها)وده شكل الغرزة المنتفخه المتكونه من 3 غرز نصف عمود فى غرزة واحده
ده فيديو لتوضيح [ندعوك للتسجيل في المنتدى أو التعريف بنفسك لمعاينة هذا الرابط]
الواجب هتعملوا 15 سلسله هتعملوا عليها غرزه المنتفخه ما بين كل غرزه منتفخه 2 سلسله
تانى درس فى الدرس التاسع
الغرزة المنتفخه المتكونه من 3 غرز نصف عمود فى نفس الفراغ
رمزها فى الباترونات المرسومه بالشكل ده مفتوحه من تحت
وده شكلها وسط الباترون المرسوم[ندعوك للتسجيل في المنتدى أو التعريف بنفسك لمعاينة هذا الرابط]
والمقصود فى نفس الفراغ اى فى الفراغات الموجوده بين الغرز وليس فى الغرزة نفسهاوطريقة عملها نفس طريقة عمل الغرزة المنتفخه المتكونه من 3 غرز نصف عمود فى نفس الغرزة ولكن بدلا من شغل غرز نصف العمود فى نفس الغرزة هنشتغلهم فى نفس الفراغ اللى بين الغرزكما فى الرسم االتوضيحى
التالى وده شكل يوضح غرزة المنتفخه المكونه من 3 غرز نصف عمود فى نفس الفراغ
الواجب هتعملوا 25 سلسله وهمتشوا على السلاسل عموايد بس مش عمود واحد هتعملوا عمودين فى السلسه ده اول سطر تانى سطر هترتفعوا 3 سلاسل اول عمود وبعدين هتعملوا غرزه المنتفخه زى الصور اللى انا منزلها سطر كمان يعنى الواجب سطرين
ثالت نوع من الغرزه المتفخه يا بنات الدرس التاسع
الغرزة المنتفخة المتكونه من 3 غرز نصف عمود والمنتهية بسلسلة فى نفس الغرزة
رمزها فى الباترون المرسوم [ندعوك للتسجيل في المنتدى أو التعريف بنفسك لمعاينة هذا الرابط]
(هنلاحظ فى الرمز الدايرة الصغيرة ودى تمثل غرزة السلسلة)
ورمزها وسط الباترون المرسوم [ندعوك للتسجيل في المنتدى أو التعريف بنفسك لمعاينة هذا الرابط]
وطريقة عملها نفس المنتفخه المكونه من 3 غرز نصف عمود فى نفس الغرزة ولكن بدلا من سحب الابرة من جميع اللفات الموجوده على الابرة هنسحب الإبرة من جميع اللفات ماعدا لفه واحده كما فى الرسم التالى[ندعوك للتسجيل في المنتدى أو التعريف بنفسك لمعاينة هذا الرابط]
هنلاحظ ان تبقا عندنا لفتين على الإبرة هنلف الخيط حول الإبرة ونسحبها من خلال اللفتين الموجودين على الإبرة
وبكدا يبقا تكون عندنا غرزة منتفخه منتهيه بسلسلة
وده شكل للمنتفخه المكونه من 3 غرز نصف عمود ومنتهية بسلسلة فى نفس الغرزة
[ندعوك للتسجيل في المنتدى أو التعريف بنفسك لمعاينة هذا الرابط]
الواجب هتعملوا نفس الباترون اللى فى الصوره يا قمرات 15 سلسله وهتعملوا زيه بظبط
رابع درس ف ى الدرس التاسع
الغرزة المنتفخه المكونه من 3غرز نصف عمود ومنتهية بسلسلة فى نفس الفراغ
رمزها فى الباترون المرسوم [ندعوك للتسجيل في المنتدى أو التعريف بنفسك لمعاينة هذا الرابط]
تكون مففتوحه من تحت وبدايرة من فوق
ورمزها وسط الباترون المرسوم [ندعوك للتسجيل في المنتدى أو التعريف بنفسك لمعاينة هذا الرابط]
وطريقة عملها نفس طريقة عمل الغرزة المنتفخه المكونه من 3 غرز نصف عمود ومنتهيه بسلسلة فى نفس الغرزة ولكن بدلا من عمل غرز النصف عمود فى نفس الغرزة هنشتغلهم فى نفس الفراغ
كما فى الرسم التوضيحى التالى[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
وده شكل الغرزة المنتفخه المكونه من 3 غرز نصف عمود ومنتهيه بسلسلة فى نفس الفراغ
[ندعوك للتسجيل في المنتدى أو التعريف بنفسك لمعاينة هذا الرابط]
الواجب زى الباترون اللى انا منزلها بتاع الغرزه
خامس درس فى الدرس التاسع
الغرزة المنتفخه المائلة المكونه من 3غرز نصفف عمود فى نفس الغرزة
ورمزها فى الباترون المرسوم [ندعوك للتسجيل في المنتدى أو التعريف بنفسك لمعاينة هذا الرابط]
ونلاحظ وجود سهم على جنب لغرزة يمثل ميل الغرزة
وشكلها وسط البابترون المرسوم [ندعوك للتسجيل في المنتدى أو التعريف بنفسك لمعاينة هذا الرابط]
وتعالو نشوف طريقة عملها بالصور
كما عرفنا ان الغرزة المنتفخه ارتفاعها يعادل إرتفاع غرزة النصف عمود اى= سلسلتين
والمنتفخه المائلة بنبدأها من أول السطر لذلك يجب ان نوسع اللفه الموجوده على الإبرة لكى تعادل إرتفاع سلسلتين حتى تناسب إرتفاع المنتفخه ويجعل سقوطها سهلا وتكون مائلة
[ندعوك للتسجيل في المنتدى أو التعريف بنفسك لمعاينة هذا الرابط]
هنلف الخيط حول الابرة وندخلها فى الغرزة المراد عمل المنتفخه فيها (وهيا فى الباترون السابق المطلوب عمل المنتفخه فى اول غرزة حشو) ونكرر اللفات ودخول وخروج الإبرة من الغرزة كما سبق وشرحنا فى الانواع السابقه من المنتفخه
طبعا هيكون عندنا 7 لفات على الابره هنلف لفه عى الابره ونسحبها من خلال جميع اللفات الموجوده على الابره[ندعوك للتسجيل في المنتدى أو التعريف بنفسك لمعاينة هذا الرابط]
وبكدا يكون عملنا غرزة منتفخه مائلة
ولعمل الغرزة التاليه هنعمل ارتفاع سلسلة لغرزة الحشو ونشتغل غرزة الحشو ونوسع اللفه الموجوده عى الابرة ونكرر العمليه السابقه[ندعوك للتسجيل في المنتدى أو التعريف بنفسك لمعاينة هذا الرابط]
وده شكل الغرزة المنتفخة المائلة [ندعوك للتسجيل في المنتدى أو التعريف بنفسك لمعاينة هذا الرابط]
وبكدا تم بحمد له الإنتهاء من شرح الغرزة المنتفخه
وإنتظرونى بإذن الله فى درس جديد
الواجب هتعملى 15 سلسه هتمشى عليهم سطرين حشو وهتعملو عليهم الغرزه المنتفخه زى البترون
الدرس العاشر غرزه العنقود او الحمصه
ده فيديو شرح لكم الغرزه
[ندعوك للتسجيل في المنتدى أو التعريف بنفسك لمعاينة هذا الرابط]
دى صوره بتوضح شكلها ازاى فى باترون
[ندعوك للتسجيل في المنتدى أو التعريف بنفسك لمعاينة هذا الرابط]
الواجب هتعملوا 15 غرزه سلسله وهتعملوا عليها غرزه العنقود هتشوفوا الفيديو وهتعرفوا الطريقه واعملوا الواجب زى الفيديو
الدرس الحادى عشر شامل الغرز البيكو والمروحه والصدفه
ده فيديو يشرح لكم غرزه البيكو
[ندعوك للتسجيل في المنتدى أو التعريف بنفسك لمعاينة هذا الرابط]
الواجب بتاعها هتعملو 15 سلسله وهتمشى عليهم عمود بلفه السطر التانى غرزه البيكو زى الفيديو
درس غرزه المروحه
الصوره التاليه بتوضح ازاى غرزه المروحه فيها منها نوعين فى مها بسلاسل من النصف وفى من غير سلاسل الصوره توضح كلامى
[ندعوك للتسجيل في المنتدى أو التعريف بنفسك لمعاينة هذا الرابط]
الواجب هتعملوا 2 واجب فى غرزه المروحه اول واجب هتعملوا 15 سلسله وهتعملوا على السلاسل غرزه المروحه بواسطه السلسله تانى واجب هتعملوا 15 سلسله وهتعملوا عليها غرزه المروحه من غير واسطه السلاسل الصور هتباين كلامى
درس غرزه الصدفه
الصوره بتوضح غرزه الصدفه ورمزها فى البترون
[ندعوك للتسجيل في المنتدى أو التعريف بنفسك لمعاينة هذا الرابط]
الواجب هتعملوا هتعملوا 15 سلسله وهتعملوا عليها صدفه
غرزه قشور السمك
[ندعوك للتسجيل في المنتدى أو التعريف بنفسك لمعاينة هذا الرابط]
غرزه الشطرنج
[ندعوك للتسجيل في المنتدى أو التعريف بنفسك لمعاينة هذا الرابط]
غرزه الزجزاج
[ندعوك للتسجيل في المنتدى أو التعريف بنفسك لمعاينة هذا الرابط]
غرزه العنكبوت
[ندعوك للتسجيل في المنتدى أو التعريف بنفسك لمعاينة هذا الرابط]
ده فيديو تانى لغرزه العنكبوت
[ندعوك للتسجيل في المنتدى أو التعريف بنفسك لمعاينة هذا الرابط]
شرح غرزه عقده الحب بس فى شال
[ندعوك للتسجيل في المنتدى أو التعريف بنفسك لمعاينة هذا الرابط]
ده شرح غرزه الياسمين
[ندعوك للتسجيل في المنتدى أو التعريف بنفسك لمعاينة هذا الرابط]
غرزه حرف v
[ندعوك للتسجيل في المنتدى أو التعريف بنفسك لمعاينة هذا الرابط]
| |
|
سيدة مسلمة
Admin
اسم الدولة :
عدد المساهمات : 2808
نقاط : 19607
تقييم : 128
تاريخ التسجيل : 26/05/2013
العمر : 53
الموقع : http://www.mslemat.com/
لعب الادوار
مرئي للجميع: الخبرة,
| | موضوع: رد: اساسيات الكروشيه الثلاثاء يناير 14, 2014 4:41 pm | |
| | |
|
