طريقة عمل مفرش للنيش

3:13 pm[ندعوك للتسجيل في المنتدى أو التعريف بنفسك لمعاينة هذه الصورة]

اولا الخيط هيكون رفيع جدا علشان يعطي نفس الشكل والابره ايضا تكون مناسبه للخيط
1- هتشتغلي 10 سلاسل وتقفليهم بمنزلقه
2-هتشتغلي 8 سلاسل ثم تشتغلي عمود ب3 لفات وشرح العمود ب3 لفات في موضوعي الجديد مش القديم
3-ثم تعملي 4 سلاسل ثم في تاني سلسله عمودين ب3 لفات الواحد ثم9 سلاسل ثم عمودين وتعيدى تاني 4 سلاسل وعمودين
ثم 9سلاسل ثم عمودين ب3 لفات لحد ماتعملي 4 مرات ال9 سلاسل ثم تقفلي السطر بمنزلقه
4-تشتغلي 8 سلاسل ثم عمود فوق العمود الاول ثم تشتغلي عمودين كل واحد ب3 لفات وكل دول تمسكيهم مع بعض بغرزه واحده من فوق
ثم 7 سلاسل
بصي بقي الجزء القادم ده صعب شويه
بصي ياقمر في الغرزه الخامسه من السلاسل اللي في السطر اللي تحت هتشتغلي الجاى كله
هتشتغلي 3 عمود ب3 لفات كل واحد مش كامل يعني اخر سحبه للفتل ماتاخديهاش وتاخديهم كلهم التلاته مع بعض ثم 7 سلاسل
ثم ترجعي تاني لنفس المكان وتشتغلي عمود بلفه وعليه هتشتغلي 3 عمود بنفس الطريقه اللي في السطر اللي قبل ده ثم 7 سلاسل
ثم ترجعي تاني لنفس المكان وتعملي عمود بلفتين وعليه هتعملي 3 عمود ب3 لفات ثم 7 سلاسل
مره اخرى هتشتغلي عمود ب3 لفات وعليه 3 عمود بنفس الطريقه ثم ترجعي تعملي
عمود بلفتين وعليه 3 عمود ثم تعملي عمود عليه 3 عمود ثم تعملي 3 عمود ب3
لفات مع بعض
بين كل واحد والتاني 7 سلاسل
بحيث يكون عملتي 5 مجموعات شفتي صعبه ازاى
هنيجي للجزء الخفيف
وهو هتلاقي 4 عمود امسكي كل عمود بعمود ب3 لفات بس مش كامل وامسكيهم كلهم مع بعض ثم 7 سلاسل
ثم ارجعي تاني تعملي نفس الخمس مجموعات في خامس غرزه من السلسله ثم ترجعي للجزء البسيط وهكذا لحد مايكون عندك اربع مجموعات
تقفلي السطر وبكده تكوني عملتيس الوحده الاولي
هتشتغلي نفس الترتيب للوحدات الاخرى
بس الجديد انك تشبكس وانتي بتشتغلي يعني لما تيجي تعملي ال7 سلاسل اللي بين
العماوي هتشتغلي 3 فقط ثم غرزه منزلقه تمسكي بيها الجزء المقابل من
الوحده اللي خلصتيها
وكل جنب تشبكيه مع جمب واحد فقط من اى وحده
وبكده تقدرى تتحكمي في الشكل اللي عاوزاه
يعني لو عاوزه مفرش مربع هتشتغلي 4 واحدات مع بعض
ولو عاوزاه مستطيل هتشتغلي 6 واحدات او ممكن تكبري المستطيل ويكون 12 وحده مثلا ويكون للسفره كمان لو كبر اكتر

» طريقة عمل مفرش علي شكل قلب
» طريقة عمل مفرش بالخطوات
» طريقة عمل مفرش وردات
» شرح طريقة عمل مفرش كروشية
» طريقة عمل مفرش خرز او لولي