ورشة جاكت كروشية للشتا شيك جداااااا

[ندعوك للتسجيل في المنتدى أو التعريف بنفسك لمعاينة هذه الصورة]
بسم الله نبدا
الصف الاول:هنعمل 189 سلسلةللحجمsmall/x-small و221 سلسة للحجمmedium/large و253 للحجمx-large و285 للحجم 2x-large بعدين هنعمل عمودفى رابع سلسلة من الابرة بعدين عمود فى السلسة اللى بعدها(بعدين هتسيبى السلسلة اللى بعدهاوتعملى عمود فى كل سلسلة من التلات سلاسل اللى بعدها) وتكررى اللى بين الاقواس لاخر السلسة بعدين تقلبى الشغل يعنى اخر غرزه اشتغلتيهافى الصف الاول هنشتغل منها اول غرزة فى الصف التانى
عشان تظبطوا المقاس اكتر بعد ماتعملوا الصف الاول لفوه حوالين المنطقة اللى تحت الوسط بس راعوا انكم تعملوا وسع شوية عشان الهدوم الشتوى اللى هتتلبس تحت
الصف التانى:هنعمل 3 سلاسل وزى ما احنا عارفين اننا بنبدا الصف بيهم عشان يعلوا الشغل ويعتبروا عمودبعدين نعمل عمود فى كل غرزة حتى اخر السطر بعدين نقلب الشغل
من الصف التالت للتامن :هنعيدالصف التانى وبكده يبقى الجزء التحتانى من الجاكت خلص(الكينار)
بعد كده هنعمل جسم الجاكت

هنبدا فى جسم الجاكت
الصف التاسع:تلات سلاسل بعدين عمود فى كل غرزة من الغرز الستة اللى جايين(وده يبقى الشريط الامامى اللى هنعمل فيه العروة)بعدين تسيبى تلات غرز *وتعملى غرزة الصدفة فى الغرزة الى بعد كده
غرزة الصدفة(عمودين-سلسلتين-عمودين)فى نفس الغرزة
بعدين تسيبى الغرزتين اللى بعد كده وتعملى عمود فى الغرزة ال بعد كده بعدين تسيبى غرزتين وتكررى من اول * بطول الصف لغاية اخر سبع غرز وهتنتهى بغرزة الصدفة بعدين تسيبى تلات سلاسل و تعملى عمود فى كل غرزة من السبع غرز الاخرانيين(وده يبقى الشرط الامامى اللى هنعمل فيه الزراير)
بالنسبة للحجم small/x-small/medium/large :هنعمل من الصف 10-12
وبالنسبة للحجم x-large/2x-large :هنعمل من الصف 10-14 كالاتى:-
تلات سلاسل بعدين عمود فى كل غرزة من الست غرز بعدين صدفة فى مساحة السلسلتين بتوع الصدفة اللى بعد كده فى الصف اللى تحت (بعدين هتسيبى العمودين بتوع الصدفة وتعملى عمود فوق العمود اللى بعد كده بعدين صدفة فى مساحة السلستين بتوع الصدفة اللى بعد كده )كررى اللى بين الاقوس لغاية ماتوصلى للشريط بعدين تعملى عمود فى كل عمود
بعدين تحولى الشغل
الصف 13فى حالة (s/x-s/m/L)
الصف 15(xL-2xL)كالاتى:تلات سلاسل بعدين عمود فى كل غرزة من الغرزتين اللى جايين بعدين تعملى العروة(سلسلة وتسيبى الغرزة اللى بعد كده وتكملى)تعملى عمود فى كل غرزة من التلات غرز اللى جايين(يبقى ده الشريط اليمين)بعدين صدفة فوق الصدفة الى بعدها(بعدين اعملى عمود فوق العمود بعدين صدفة فوق الصدفة)كررى الل بين القوسين لغاية ماتوصلى للشريط بعدين عمود فوق كل غرزة بعدين حولى الشغل
الصف 14 فى حالة(s-x/s-m-l)
الصف 16 فى حالة(xL/2xL) كالاتى:-
تلات سلاسل بعدين عمود فى كل عمود بطول الشريط بعدين صدفة فوق الصدفة (بعدين عمود فوق العمود وصدفة فوق الصدفة)وكررى اللى بين القوسين لغاية الشريط الامامى بعدين اعملى عمود فى كل غرزة وبعدين حولى الشغل
الصفوف اللى بعد كده:كررى الصف 10 لغاية مايبقى مقاس القطعة طولها يعنى
20 سم للحجم (s-x/s-m-L)
22 سم للحجم (xL/2xL)
وتنتهى بصف له رقم زوجى
بعدين هنكرر الصفوف 13 و 14 فى حالة (s-x/s-m-L)
15 و16 فى حالة (xL-2xL)
بعدين نكرر الصف 10 لغاية مايبقى مقاس القطعة 28.75 سم فى حالة (s-x/s-m-L)
و 29.5 سم فى حالة(xL-2xL)
وتنتهى بصف له رقم زوجى
بعدين نكرر الصف 13 و 14 فى حالة (s-x/s-m-L)
الصف 15 و 16 فى حالة(xL-2xL)
بعدين نكرر الصف 10 لغاية مايبقى مقاس القطعة
36.25 سم بالنسبة ل(s-x/s)

37.5 سم بالنسبة ل (m-L)

38 سم بالنسبة ل (xL)

39.5 سم بالنسبة ل (2xL)

» بالخطوات ورشة وردة كروشية روعه.بالشرح صنع وردات كروشية.بالصورورد
» ورشة بلوزة كروشية
» ورشة كامله لمفرش كروشية سهل وبسيط
» ورشة بلوزة كروشية صيفي حلوة وناعمة.
» ابسط كنزة كروشية.اسهل بلوزة كروشية