ورشة بلوزة كروشيه رائعة

ورشة بلوزة كروشيه رائعة

بالنسبة للمقاس / البلوزة مقاسها متوسط وممكن تعملوها أصغر لكن بالنسبة للمقاس الأكبر مش متأكدة من الطريقة لكن لما نوصل لهه المرحلة نشوف اذا فى طريقة

[ندعوك للتسجيل في المنتدى أو التعريف بنفسك لمعاينة هذه الصورة]

بالنسبة لكمية الخيوط / لو هتستخدموا فتلة واحدة هنحتاج بكرتين ولو 3 احتياطى أما لو هتشتغلوا فتلتين يبقى 4 او 5 ( أنا هنا اشتغلت بفتلتين )

[ندعوك للتسجيل في المنتدى أو التعريف بنفسك لمعاينة هذه الصورة]

بالنسبة لنوع الخيط / أنا استخدمت الخيط القطن

هذا هو نوع الخيط اللى انا استخدمته واللى عايز يستخدم فتلتين يضع البكرتين جنب بعض ويشد فتله من هنا وفتلة من هنا ويشتغل بيهم

[ندعوك للتسجيل في المنتدى أو التعريف بنفسك لمعاينة هذه الصورة]

بالنسبة لمقاس الابرة / أنا اشتغلت بإبرة مقاس صفر وانتى ممكن تشتغلى بأى ابرة مقاس عادى (لا صغيرة ولا كبيرة )

ورشة بلوزة كروشيه رائعة 2629087036

الجزء الأول

البداية / هنعمل دائرة من 6 سلسلة

السطر الاول / هنعمل داخل الدائرة 9 أعمدة ومش هنقفل الدائرة لأن احنا عايونها تكون شكل نصف الدائرة

السطر الثانى / هنقلب الشغل ونعمل 3 سلسلة بمثابة اول عامود ثم 3 سلسلة ونترك غرزة على السطر ونشتغل فى اللى بعدها عامود ثم 3 سلسلة ونترك غرزة على السطر ثم نشتغل فى اللى بعدها عامود وهكذا حتى اخر السطر (بحيث يكون المجموع 5 أعمدة )

السطر الثالث / هنقلب الشغل ونعمل 3 سلسلة بمثابة اول عامود ثم نشتغل فى الفراغ 4 أعمدة ثم نشتغل فوق العامود الثانى عامود ثم فى الفراغ الثانى 6 اعمدة ثم عامود فوق العامود الثالث ثم 6 أعمدة فى الفراغ اللى بعده ثم عامود فوق العامود الرابع ثم 4 أعمدة فى الفراغ ثم عامود فوق العامود الاخير

[ندعوك للتسجيل في المنتدى أو التعريف بنفسك لمعاينة هذه الصورة]

السطر الرابع / هنقلب الشغل ونعمل 3 سلسلة بمثابة اول عامود ثم 2 سلسلة ونترك غرزة على السطر ونعمل فى اللى بعدها عامود ثم 2 سلسلة ونترك غرزة ونعمل فى اللى بعدها عامود و نكرر مرتين ثم نعمل 2 سلسلة وهذه المرة ما نترك غرزة على السطر ونعمل عامود فى الغرزة التالية على طول ثم 2 سلسلة ونترك غرزة ثم عامود ثم 2 سلسلة ونترك غرزة ثم عامود ثم 2 سلسلة ونترك غرزة ثم عامود ثم 2 سلسلة ثم عامود بدون ما نترك غرزة ثم نكمل باقى السطر عادى وهنترك غرزة فى كل مرة

[ندعوك للتسجيل في المنتدى أو التعريف بنفسك لمعاينة هذه الصورة]

السطر الخامس / هنقلب الشغل ونعمل 3 سلسلة بمثابة اول عامود وهنشتغل فى كل فراغ 3 أعمدة حتى اخر السطر وفوق اخر عامود فى السطر نعمل عامود

السطر السادس / هنقلب الشغل ونعمل 3 سلسلة بمثابة اول عامود ثم 2 سلسلة ونترك غرزة على السطر ونعمل فى اللى بعدها عامود ثم 2 سلسلة ونترك غرزة ونعمل فى اللى بعدها عامود و نكرر حتى اخر السطر

[ندعوك للتسجيل في المنتدى أو التعريف بنفسك لمعاينة هذه الصورة]

السطر السابع / هنقلب الشغل ونعمل 3 سلسلة بمثابة اول عامود وهنعمل فى الفراغ عامود ثم عامود فوق العامود الثانى ثم بعد كده هنعمل فى كل فراغ 2عامود وفوق كل عامود عامود ما عدا اخر فراغ هنعمل عامود واحد ثم فوق العامود الاخير عامود وكده السطر خلص

[ندعوك للتسجيل في المنتدى أو التعريف بنفسك لمعاينة هذه الصورة]

السطر الثامن / هنقلب الشغل وهنعمل 3 سلسلة بمثابة اول عامود ثم نعمل 10 سلسلة ونشتغل منزلقة فى السلسلة الثانية وكده يبقى عندنا حلقة ثم نترك غرزة على السطر ونعمل عامود فى اللى بعدها

[ندعوك للتسجيل في المنتدى أو التعريف بنفسك لمعاينة هذه الصورة]

( ثم 2 سلسلة ونترك غرزة على السطر ونعمل فى اللى بعدها عامود ) >> ونكرر اللى بين الاقواس ده مرتين ثم نعمل 10 سلسلة ونعمل منزلقة فى السلسلة التانية كده بقى عندنا حلقة تانية ثم نعمل عامود بعد مانترك غرزة على السطر ثم نعمل اللى بين الاقواس 3 مرات ثم نعمل حلقة كمان وبعدين نكرر اللى بين الاقواس 3 مرات

وهكذا حتى اخر السطر بحيث يكون عندك 10 حلقات

[ندعوك للتسجيل في المنتدى أو التعريف بنفسك لمعاينة هذه الصورة]

السطر التاسع / هنقلب الشغل و نعمل سلسلة ثم غرزة حشو فى اول عامود ثم نعمل 13 عامود داخل الحلقة الاولى ثم نعمل غرزة حشو فى العامود الثالث

[ندعوك للتسجيل في المنتدى أو التعريف بنفسك لمعاينة هذه الصورة]

وهنعمل فى الفراغ اللى بعد العامود 3 غرز حشو ثم غرز حشو فى العامود التالى ثم 13 عامود فى الحلقة التالية ثم غرزة حشو فى العامود التالى

ركزوا فى الصور جيدا اثناء الشغل

[ندعوك للتسجيل في المنتدى أو التعريف بنفسك لمعاينة هذه الصورة]

ثم 3 غرز حشو فى الفراغ اللى بعد العامود ثم حشو فى العامو التالى ثم 13 عامود داخل الحلقة و هكذا حتى اخر السطر

[ندعوك للتسجيل في المنتدى أو التعريف بنفسك لمعاينة هذه الصورة]

ورشة بلوزة كروشيه رائعة 1010475794

[ندعوك للتسجيل في المنتدى أو التعريف بنفسك لمعاينة هذه الصورة]

السطر العاشر / هنقلب الشغل ونعمل 6 سلسلة ثم نعمل عامود بلفتين فى العامود الرابع ( من الاعمدة اللى عملناها داخل الحلقة ) ثم 4 سلسلة ثم غرزة حشو فى العامود السابع ثم 6 سلسلة ثم عامود بلفتين فى العامود العاشر وعامود بلفتين فى العامود الرابع من الحلقة التانية ونقفلهم مع بعض ثم 6 سلسلة ثم غرزة حشو فى العامود السابع ثم 6 سلسلة ثم عامود بلفتين فى العامود العاشر وعامود بلفتين فى العامود الرابع من الحلقة الثالثة ونقفلهم مع بعض ......... وهكذا

[ندعوك للتسجيل في المنتدى أو التعريف بنفسك لمعاينة هذه الصورة]

وهنكرر حتى اخر السطر وفى اخر السطر هنعمل بعد غرزة الحشو 4 سلسلة ثم عامود بثلاث لفات (غرزة عامود ثلاثية ) فى غرزة الحشو اللى على السطر جنب الحلقة

[ندعوك للتسجيل في المنتدى أو التعريف بنفسك لمعاينة هذه الصورة]

السطر الحادي عشر / هنقلب الشغل ثم نعمل واحد سلسلة ثم غرزة حشو ثم نعمل فى كل سلسلة غرزة حشو يعنى 4 حشو ثم نترك غرزة العامود ونعمل فى ال6سلسلة 6 غرز حشو وهكذا فى كل 6 سلسلة 6 غرز حشو حتى اخر السطر فى ال4سلسلة 4 غرز حشو ثم غرزة حشو فى اخر غرزة على السطر

[ندعوك للتسجيل في المنتدى أو التعريف بنفسك لمعاينة هذه الصورة]

السطر الثانى عشر / ( يشبه السطر الثامن مع اختلافات بسيطة ) هنقلب الشغل ثم نشتغل 5 سلسلة ونترك غرزة على السطر ونعمل عامود فى الغرزة اللى بعدها ثم نعمل 11 سلسلة ثم منزلقة فى السلسلة الثانية (بحيث يصبح لدينا حلقة ) ثم سلسلة ونترك غرزة على السطر ثم عامود فى الغرزة اللى بعدها ثم 2 سلسلة ثم عامود ثم 2 سلسلة ثم عامود ثم 2 سلسلة ثم عامود ثم نعمل 11 سلسلة ثم منزلقة فى السلسلة الثانية (بحيث يصبح لدينا حلقة ) ثم سلسلة ونترك غرزة على السطر ثم عامود ثم نعمل الشغل اللى عملناه بعد الحلقة اللى قبلها .............. وهكذا بحيث يصبح عندنا 15 حلقة

[ندعوك للتسجيل في المنتدى أو التعريف بنفسك لمعاينة هذه الصورة]

السطر الثالث عشر / هنقلب الشغل ونعمل سلسلة وغرزة حشو ثم 2 سلسلة ثم 15 عامود داخل الحلقة الاولى ثم 2 سلسلة ثم غرزة حشو فى الفراغ التانى بعد الحلقة ثم 2 سلسلة ثم 15 عامود داخل الحلقة الثانية ثم 2 سلسلة ثم غرزة حشو فى تانى فراغ بعد الحلقة وهكذا حتى اخر السطر وفى اخر غرزة نعمل غرزة حشو

[ندعوك للتسجيل في المنتدى أو التعريف بنفسك لمعاينة هذه الصورة]

السطر الرابع عشر / نفس طريقة السطر العاشر مع اختلافات بسيطة فى العدد هنقلب الشغل ونعمل 6 سلسلة ثم نعمل عامود بلفتين فى العامود الرابع ( من الاعمدة اللى عملناها داخل الحلقة ) ثم 5 سلسلة ثم غرزة حشو فى العامود الثامن ثم 6 سلسلة ثم عامود بلفتين فى العامود الثانى عشر وعامود بلفتين فى العامود الرابع من الحلقة التانية ونقفلهم مع بعض ثم 6 سلسلة ثم غرزة حشو فى العامود الثامن ثم 6 سلسلة ثم عامود بلفتين فى العامود الثانى عشر وعامود بلفتين فى العامود الرابع من الحلقة الثالثة ونقفلهم مع بعض ......... وهكذا

السطر الخامس عشر / نفس طريقة السطر الحادى عشر

[ندعوك للتسجيل في المنتدى أو التعريف بنفسك لمعاينة هذه الصورة]

كده الجزء العلوى من البلوزة خلص

و الى اللقاء فى الجزء الثالث قريبا بإذن الله وهنشلاح فيه الجزء السفلى من البلوزة

ملحوظة ///// ظهر البلوزة هو نفس طريقة وجه البلوزة يعنى هنكرر نفس اللى عملناه ده تانى

ورشة بلوزة كروشيه رائعة 2512366698

اقتباس :: الجزء الثالث

[ندعوك للتسجيل في المنتدى أو التعريف بنفسك لمعاينة هذا الرابط]

بسم الله الرحمن الرحيم

دلوقتى بعد ما انتهينا من الجزء العلوى للبلوزة هنقطع الخيط عشان نبدأ نعمل الجزء السفلى من منطقة مختلفة

هنشتغل تقريبا من المنطقة اللى فوق منتصف الحلقة الرابعة ............ انظروا للصورة

[ندعوك للتسجيل في المنتدى أو التعريف بنفسك لمعاينة هذا الرابط]

السطر الاول / هنبدأ من مكان ما حددت وهنعمل 6 سلسلة بمثابة ارتفاع اول عامود وهنشتغل بغرزة البريد الرباعية ودى الغرزة اللى هنشتغل بيها الجزء السفلى كله واللى عايزة تشتغل بغرزة البريد الثلاثية ممكن لكن هتكون اصر قليلا ( أنا اشتغلت بغرزة البريد الثلاثية )

وهذه طريقة غرزة البريد الرباعية

[ندعوك للتسجيل في المنتدى أو التعريف بنفسك لمعاينة هذا الرابط]

بعد ما عملنا ال 6 سلسلة هنترك 2 غرزة حشو ونشتغل فى الثالثة غرزة عامود رباعية ثم نعمل سلسلة ونترك غرزة حشو على السطر ونعمل غرزة بريد رباعية وهنكمل بهذه الطريقة حتى اخر السطر ( سلسلة ونترك غرزة على السطر ونعمل فى اللى بعدها غرزة عامود رباعية ) ونقف عند منتصف الحلقة ال 12 كما فى الصورة ( لكن قبل المنتصف بثلاث غرز هنكون عملنا غرزة عامود رباعية ومش هنقلها يعنى هنسيب غرزتين على الابرة ثم نترك غرزتين على السطر ونعمل فى الثالثة غرزة عامود رباعية ونقفلهم مع بعض وكده يكون السطر الاول خلص

السطر الثاني / هنقلب الشغل وهنعمل 5 سلسلة هنترك او فراغ ونشتغل فى الثانى غرزة عامود رباعية ثم 2 سلسلة ثم غرزة عامود رباعية فى الفراغ اللى بعده ثم 2 سلسلة ثم غرزة عامود رباعية ( وهكذا على طول السطر هنعمل فى كل فراغ غرزة عامود رباعية وبين كل عامود 2 سلسلة ) وفى الفراغ القبل الاخير هنعمل غرزة عامود رباعية من غير ما نقفلها ثم نعمل فى اخر غرزة فى السطر غرزة عامود رباعية ونقفلهم مع بعض

السطر الثالث / هنقلب الشغل ونعمل 5 سلسلة ثم غرزة عامود رباعية فى اول فراغ باقى السطر هيكون ( بكل فراغ غرزة عامود رباعية وبين كل عامود 2 سلسلة ) مثل السطر السابق وفى اخر فراغ فى السطر هنعمل غرزة عامود رباعية ثم فى اخر غرزة فى السطر هنعمل ايضا غرزة عامود رباعية

السطر الرابع / هنقلب الشغل ونعمل 7 سلسلة ثم غرزة عامود رباعية فى اول فراغ ( ملحوظة مش هنعمل بين اول عامودين وهنعمل فى الفراغ اللى بعدها ) ونكمل باقى السطر مثل السطر السابق بكل فراغ غرزة عامود رباعية وبينهم 2 سلسلة حتى اخر السطر وهنعمل فى اخر غرزة فى السطر غرزة عامود رباعية

السطر الخامس / (ركزوا فى هذا السطر لأن به اختلافات بسيطة ) هنقلب الشغل ونعمل 5 سلسلة ثم غرزة عامود رباعية فى اول فراغ وهنشتغل باقى السطر مثل السطور السابقة لكن هنعمل فى الفراغات اللى فى الصورة (عامود+2سلسلة+عامود) بدلا من عامود واحد

[ندعوك للتسجيل في المنتدى أو التعريف بنفسك لمعاينة هذا الرابط]

السطر السادس / هنقلب الشغل ونعمل بأول عامود غرزة منزلقة ثم نعمل غرزة حشو فى الفراغ الاول ثم 2 سلسلة ثم غرزة نصف عامود بالفراغ الثانى ثم 2 سلسلة ثم غرزة عامود بالفراغ الثالث ثم 2 سلسلة ثم عامود بلفتين بالفراغ الرابع ثم 2 سلسلة وهنعمل بكل فراغ غرزة عامود رباعية وبين كل عامود 2 سلسلة وفى اخر اربع فراغات هنعمل التالى بالترتيب ( عامود بلفتين +2سلسلة+عامود+2سلسة+نصف عامود+2سلسلة+حشو+منزلقة باخر عامود)

السطر السابع / هنقلب الشغل ونعمل بكل غرزة غرزة منزلقة حتى نصل فوق العامود بلفتين ونشتغل 7 سلسلة ونترك اول فراغ ونعمل فى اللى بعده غرزة عامود رباعية وهنكمل باقى السطر عادى (بكل فراغ غرزة عامود رباعية وبينهم 2 سلسلة ) وفى الفراغ القبل الاخير هنعمل غرزة عامود رباعية من غير ما نقفلها ثم نعمل عرزة عامود رباعية فى اخر غرزة بالسطر ونقفلهم مع بعض

هذه صور للشغل بعد ان انهيت 7 أسطر وقد صورتها من الجوانب أيضا حتى تكون واضحة

[ندعوك للتسجيل في المنتدى أو التعريف بنفسك لمعاينة هذا الرابط]

السطر الثامن / هنقلب الشغل ونعمل 6 سلسلة ثم نترك اول فراغ ثم بكل فراغ عامود رباعية وبينهم 2 سلسلة ما عدا الفراغات المحددة فى الصورة هنعمل فيها (عامود رباعية +2سلسلة+عامود رباعية ) بدلا من عامود واحد

[ندعوك للتسجيل في المنتدى أو التعريف بنفسك لمعاينة هذا الرابط]

السطر التاسع والعاشر / نفس طريقة السطر السابع لكن بدون المنزلقة

السطر الحادى عشر / هنقلب الشغل ونعمل 6 سلسلة ثم نترك اول فراغ ونعمل فى اللى بعده غرزة عامود رباعية ثم 2 سلسلة ثم فى الفراغ اللى بعده ( غرزة عامود رباعية + 2سلسلة+غرزة عامود رباعية )ثم 2 سلسلة ثم (غ ع ر>> غرزة عامود رباعية ) ثم 2 س ثم غ ع ر ثم 2س ثم (ع غ ر +2س+ع غ ر فى نفس الفراغ ) ثم 2 سلسلة ثم (غ ع ر) ثم 2 س ثم غ ع ر ثم 2س ثم (ع غ ر +2س+ع غ ر فى نفس الفراغ ) ثم 2 سلسلة ثم غ ع ر ثم 2 سلسلة ثم عامود بلفتين ثم 2 س ثم عامود ثم 2س ثم نصف عامود ثم 2 س ثم حشو ثم 2 س ثم منزلقة ولن نكمل السطر لحد الاخر هنقف هنا ثم نقلب الشغل عشان نبدأ فى السطر الثانى عشر

[ندعوك للتسجيل في المنتدى أو التعريف بنفسك لمعاينة هذا الرابط]

السطر الثانى عشر / بعد ما قلبنا الشغل هنعمل بكل غرزة غرزة منزلقة حتى نصل لأول غرزة عامود رباعية ثم نعمل 2 سلسلة ثم غرزة حشو بأول فراغ ثم 2 سلسلة ثم نصف عامود ثم 2 سلسلة ثم عامود ثم 2 سلسلة ثم عاموج بلفتين ثم 2 سلسلة ونكمل الباقى بغرزة العامود الرباعية وبينهم 2 سلسلة وفى الفراغ القبل الاه-خير نعمل غرزة عامود رباعية من غير ما نقفلها ونعمل فى اخر غرزة بالسطر غرزة عامود رباعية ونقفلهم مع بعض ثم نقلب الشغل عشان ننقل للسطر اللى بعده ونعمل 8 سسلسلة ونترك او فراغ ونعمل فى التانى غرزة عامود رباعية بدون ما نقفلها ونترك فراغ ونعمل فى اللى بعده غرزة عامود رباعية ونقفلهم مع بعض ثم نقطع الخيط

[ندعوك للتسجيل في المنتدى أو التعريف بنفسك لمعاينة هذا الرابط]

هنعمل الناحية التانية من البلوزة بنفس الطريقة

[ندعوك للتسجيل في المنتدى أو التعريف بنفسك لمعاينة هذا الرابط]

بحيث يكون لدينا هذا الشكل

[ندعوك للتسجيل في المنتدى أو التعريف بنفسك لمعاينة هذا الرابط]

ثم نعمل سطر من غرزة الحشو بحيث تعملى بأول فراغ واخر فراغ 6 غرز حشو وفى كل فراغ 3 غرز حشو

[ندعوك للتسجيل في المنتدى أو التعريف بنفسك لمعاينة هذا الرابط]

السطر التالى هنقلب الشغل ونعمل 2 حشو ثم 5 سلسلة ونترك 3 غرز على السطر ونعمل فى الرابعة غرزة حشو ثم سلسلة ونترك الخامسة ونعمل فى السادسة غرزة حشو ثم 5 سلسلة ونترك 3 غرز على السطر ونعمل فى الرابعة غرزة حشو ثم سلسلة ونترك الخامسة ونعمل فى السادسة غرزة حشو وهكذا حتى اخر السطر

[ندعوك للتسجيل في المنتدى أو التعريف بنفسك لمعاينة هذا الرابط]

السطر اللى بعده هنقلب الشغل ونعمل سلسلة ثم منزلقة فوق غرزة الحشو ثم نعمل داخل الحلقة 7 غرز حشو ثم منزلقة فى السلسلة اللى بين غرزتين الحشو ثم 7 غرز حشو داخل الحلقة التانية ثم منلقة فى السلسلة اللى بين غرزتين الحشو ووهكذا حتى اخر السطر

[ندعوك للتسجيل في المنتدى أو التعريف بنفسك لمعاينة هذا الرابط]

النصف دائرة لها طرفين.......... دلوقتى هنروح لطرف النصف دائرة الاول ونشتغل فيه التالى ابتداء من اول غرزة (غرزة حشو ثم سلسلة ونترك غرزة على السطر ثم نصف عامود ثم سلسلة ونترك غرزة على السطر ثم عامود ثم سلسلة ونترك غرزة على السطر ثم عامود بلفتين ثم سلسلة ونترك غرزة على السطر ثم غرزة عامود رباعية ثم سلسلة ونترك غرزة على السطر ثم غرزة عامود رباعية وما نقفلها ونترك غرزتين على السطر ونعمل بالثالثة غرزة عامود رباعية ونقفلهم مع بعض ثم نقطع الخيط هنعمل نفس الطريقة فى الطرف الاخر من النصف دائرة

[ندعوك للتسجيل في المنتدى أو التعريف بنفسك لمعاينة هذا الرابط]

وهنعمل نفس الطريقة فى طرفى نصف الدائرة للظهر لأننا هنشبك الوجه من الظهر فى هذه المنطقة

[ندعوك للتسجيل في المنتدى أو التعريف بنفسك لمعاينة هذا الرابط]

طبعا هتكملوا الظهر بنفس طريقة الوجه (الأمام ) ثم نأتى لمرحلة تشبيك الوجه مع الظهر

طبعا احنا شبكنا البلوزة من فوق بالجزء اللى شرحناه فى الاخر أما من الجوانب هنشبك الجزءين مع بعض من بداية السطر السادس وحتى السطر الاخير

[ندعوك للتسجيل في المنتدى أو التعريف بنفسك لمعاينة هذا الرابط]

هنعمل كل ناحية بنفس الطريقة لنحصل على هذا الشكل

[ندعوك للتسجيل في المنتدى أو التعريف بنفسك لمعاينة هذا الرابط]

وكده يكون باقي الجزء الاخير وهو الشغل اللى حول البلوزة وهو مهم جدا لأنه يحدد شكل البلوزة وفتحة الياقة

ملحوظة هامة /////// بالنسبة للتشبيك هيكون بغرزة الحشو على ظهر البلوزة

هنشرح الجزء الرابع والاخير من ورشة البلوزة وهو الشغل النهائى اللى هيحدد شكل البلوزة وقتحة الرقبة وهى الاجزاء المحددة بالاحمر فى الصورة

[ندعوك للتسجيل في المنتدى أو التعريف بنفسك لمعاينة هذا الرابط]

هنبدأ الاول نشتغل على فتحة البلوزة من فوق

[ندعوك للتسجيل في المنتدى أو التعريف بنفسك لمعاينة هذا الرابط]

هنبدأ من أول غرزة على السطر (أقصى اليمين )

[ندعوك للتسجيل في المنتدى أو التعريف بنفسك لمعاينة هذا الرابط]

هنعمل فى اول غرزة غرزة حشو وفى تانى غرزة غرزة حشو ثم نعمل فى كل غرزة غرزة حشو الى ان نصل الى السطر الثامن يعنى هنقف بعد الحلقات

[ندعوك للتسجيل في المنتدى أو التعريف بنفسك لمعاينة هذا الرابط]

بعد كده شغلنا هيبقى فى الفراغات هنعمل فى اول فراغ 2 حشو وفى تانى فراغ واحدة حشو وفى ثالث فراغ 2 حشو وفى رابع فراغ 2حشو ثم بعد كده فى كل فراغ واحدة حشو حتى نصل للمنتصف (هذا حسب الباترون ) لكن نصيحتى اعملوا 2 حشو حتى تصلوا للمنتصف هنبدأ من المنتصف حتى الطرف الاخر بنفس الطريقة

(يعنى هتمشوا بالعكس فى كل فراغ 2 حشو حتى تصلوا للسطر الثامن ثم تعملوا فى كل سلسلة غرزة حشو )

وهذا هو الشكل بعد ما عملنا سطر الحشو وطبعا هتكملوا وتعملوا نفس الطريقة فى الظهر

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

دلوقتى هنشتغل السطر الثانى هنعمل غرزة سلسلة كأرتفاع ثم غرزة حشو بأول غرزة ثم نعمل 3 سلسلة ثم نعمل عامودين فى غرزة الحشو اللى عملناها

[ندعوك للتسجيل في المنتدى أو التعريف بنفسك لمعاينة هذا الرابط]

ثم نترك غرزتين على السطر ونعمل فى الثالثة غرزة حشو ثم نعمل 3سلسلة ثم عامودين فى غرزة الحشو ثم نترك غرزتين على السطر ونعمل فى الثالثة غرزة حشو وهكذا نشتغل هذا الشغل على الامام والظهر

[ندعوك للتسجيل في المنتدى أو التعريف بنفسك لمعاينة هذا الرابط]

ويكون هذا هو الشكل

[ندعوك للتسجيل في المنتدى أو التعريف بنفسك لمعاينة هذا الرابط]

دلوقتى هنشتغل فى المنطقة الاخرى حول الأكتاف
هنلاقى عندنا جزء فيه غرز حشو بالفعل اللى هو الجزء العلوى وفى جزء تانى هنعمله سطر من غرزة الحشو شوفوا الصورة

[ندعوك للتسجيل في المنتدى أو التعريف بنفسك لمعاينة هذا الرابط]

بعد ما أبح عندنا كل المناطق محوطة بغرز الحشو نشتغل السطر الثانى بنفس الطريقة اللى عملناها فى فتحة الرقبة ويكون هذا هو الشكل بتاعها وطبعا هنعمل الشغل ده على الامام والخلف

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

وهذا هو شكل البلوزة النهائى

[ندعوك للتسجيل في المنتدى أو التعريف بنفسك لمعاينة هذا الرابط]

ان شاء الله يكون الشرح واضح وسهل

وان شاء الله تكون ورشة مفيدة وممتعة والبلوزة تطلع حلوة وتعجبكم

منقووووول

بارك الله فيك
ورشة سهله

تسلمي يارب

» ورشة بلوزة رائعة
» ورشة بلوزة رائعة
» بلوزة كروشيه رائعة بالباترون
» طريقة عمل بلوزة حريمي بالخطوات المصورة بلوزة كروشيه بالخطوات وطريقة العمل 2014
» عمل بلوزة وبنطلون كروشيه