عمل بلوزة حريمي سهلة

وده الباترون

[ندعوك للتسجيل في المنتدى أو التعريف بنفسك لمعاينة هذا الرابط]

وده شرحى لها يارب يكون واضح

بسم الله

حتشتغلى فى البدايه 160 سلسله ومتقلقيش من الوسع لان ف الاخر بتتحكمى وتلميها بغرزة الحشو

السطر الاول : حتبداى تبنى على السلسال الغرزه تطلعى ب3 سلاسل للارتفاع وبيعتبروا اول عمود فى الصدفه وتشتغلى فى نفس الغرزه عمود وسلسلتين وعمودين و(تعملى 5 سلاسل وتقفليهم بمنزلقه فى رابع غرزه) وتكررى اللى بين القوسين 3 مرات وتعملى صدفه اللى هى عمودين وسلسلتين وعمودين للاخر وتقفلى بمنزلقه فى تالت سلسله من الارتفاع اللى بداتيه فى الاول

السطر الثانى : حتطلعى 3 سلاسل ارتفاع + عمود + 3 سلاسل + عمودين وتعملى 5 سلاسل وتقفليهم بمنزلقه فى منتصف القوس الاول من السطر السابق يعنى فى تالت سلسله منه عشان تبقى الغرزه متينه وتشتغلى فى تانى قوس 9 عواميد وتقفليهم بمنزلقه فى منتصف القوس اللى بعده وتعملى 5 سلاسل وتنزلى بصدفه فى الصدفه الى فى السطر السابق وهكذا لاخر الشغل تقفلى بمنزلقه فى تالت سلسله من سلاسل الارتفاع

السطر الثالث : حتطلعى 3 سلاسل ارتفاع +عمود + سلسلتين + عمودين + سلسلتين + عمودين فى الصدفه اللى فى السطر السابق وتعملى 3 سلاسل وتقفليهم بمنزلقه فى ثالث سلسله من الخمسه اللى فى السطر السابق + عمود على اول عمود من ال9 من السطر السابق + سلسله + عمود وهكذا لحد ما يبقوا 9 عواميد بين كل واحد سلسله وتقفليهم بمنزلقه فى تالت سلسله من ال5 سلاسل اللى فى السطر السابق وهكذا لاخر السطر وتقفلى بمنزلقه فى تالت سلسله ارتفاع

السطر الرابع : تطلعى ب 3 سلاسل ارتفاع + عمود فى اول صدفه من السطر السابق + سلسله + صدفه فى الصدفه التانيه وتعملى سلسله وتشتغلى بين الاعمده ال9 عمودين + سلسلتين حتى يصبحوا 16 عمود مقسمين عمودين وسلسلتين بين الاعمده السابقه وتقفلى اخر السطر بمنزلقه

السطر الخامس : تعملى 3 سلاسل ارتفاع وتكملى الصدفه على اول صدفه منم السطر السابق + سلسلتين + صدفه فوق السابقه وتعملى 3 سلاسل وتقفليهم بمنزلقه بعد اول عمودين وتطلعى ب 5 سلاسل وتسيبى فراغ وفى اللى بعده تقفليهم بمنزلقه وتطلعى تانى ب 5 سلاسل وتسيبى فراغ وتقفليهم بمنزلقه فى اللى بعده وتعملى 3 سلاسل وتشتغلى الصدف وهكذا لاخر السطر وتقفلى بمنزلقه

السطر السادس : تطلعى 3 سلاسل وتكملى الصدفه فوق السابقه وتشتغلى على السلسلتين من السطر السابق صدفه + صدفه على الصدفه اللى بعدها وتطلعى ب 5 سلاسل وتقفليهم بمنزلقه على بمنتصف اول قوس فى تالت سلسله منه وتشتغلى 9 اعمده فى القوس اللى بعده وتقفليهم بمنزلقه فى القوس الاخير وتشتغلى الصدف وتكملى السطر بنفس الطريقه وتقفلى بمنزلقه

السطر السابع : تعملى 3 سلاسل ارتفاع وتشتغلى 3 صدفات على الصدفات بالسطر السابق بين كل صدفه سلسله وتشتغلى 3 سلاسل وتقفليهم بمنزلقه فى تالت سلسله من ال5 اللى بالسطر السابق وتشتغلى 9 اعمدهبينهم سلسله فوق اعمدة السطر السابق وتعملى منزلقه بتالت سلسله من ال5 بالسطر السابق وتكملى السطر وتقفليه بمنزلقه

حنلاحظ هنا اننا بنشتغل الغرزه اللى فيها 9 اعمده بنفس الترتيب لا بنزود ولا بننقص الزياده هنا فى الصدف

السطر الثامن : نطلع 3 سلاسل ارتفاع + 3 صدفات فوق صدف السطر السابق بينهم سلسلتين ونعمل سلسله وبين ال9 اعمده نشتغل 16 عمود (عمودين +سلسلتين + عمودين + سلسلتين وهكذا ) يعنى نكرر اللى بين القوسين 8 مرات ونكمل السطر بنفس الطريقه ونقفل بمنزلقه

السطر التاسع : 3 سلاسل ارتفاع 3 صدفات بينهم سلسلتين وتكون تانى صدفه منهم عباره عن ( عمودين + 3 سلاسل + عمودين )
+ 3 سلاسل + منزلقه باول فراغ يعنى بعد اول عمودين + 5 سلاسل وونترك فراغ وفى اللى بعده منزلقه + 5 سلاسل ونترك فراغ وفى اللى بعده منزلقه + 3 سلاسل وهكذا لاخر السطر ونقفل بمنزلقه
السطر العاشر : 3 سلاسل ارتفاع + صدفه + سلسلتين وفى الصدفه اللى بالسطر السابق اللى عملنا بينها 3 سلاسل نشتغل ( عمودين + سلسلتين + عمودين + سلسلتين ) + سلسلتين + صدفه
+ 5 سلاسل + منزلقه فى منتصف اول قوس ( فى تالت سلسله من القوس ) ونشتغل 9 اعمده فى القوس الثانى + منزلقه بمنتصف القوس الاخير + 5 سلاسل وهكذا لاخر السطر ونقفل بمنزلقه

السطر 11 : 3 سلاسل ارتفاع + 4 صدفات لكن بين الصدفتين اللى بالمنتصف سلسله + 3 سلاسل + 9 اعمده على اعمدة السطر السابق بين كل عمود واخر سلسله وهكذا ونقفل بمنزلقه فى اخر السطر

السطر 12 : 3 سلاسل ارتفاع + 4 صدفات ونعمل بين الصدفتين اللى بالمنتصف سلسلتين + سلسله + ( عمودين + سلسلتين + عمودين ) نكرر اللى بين القوسين ليصبحوا 16 عمود ونكمل لاخر السطر ونقفل بمنزلقه

السطر 13 : 3 سلاسل ارتفاع + 5 صدفات يعنى حنزود صدفه فى السلسلتين اللى بالمنتصف فى السطر السابق + 3 سلاسل + منزلقه باول فراغ + 5 سلاسل ونترك فراغ واللى بعده منزلقه و5 سلاسل ونترك فراغ وفى اللى بعده نعمل منزلقه + 3 سلاسل وهكذا لاخر السطر ونقفل بمنزلقه

السطر 14 : 3 سلاسل ارتفاع + 5 صدفات ونعمل بين ال3 صدفات اللى بالنص سلسله + 5 سلاسل ومنزلقه باول قوس + 9 اعمده بتانى قوس + منزلقه بالقوس الاخير + 5 سلاسل وهكذا لاخر السطر ونقفل بمنزلقه

السطر 15 : 3 سلاسل ارتفاع + 5 صدفات وبين 3 صدفات اللى بالنص سلسله ( يعنى صدفه + صدفه + سلسله + صدفه + سلسله + صدفه + صدفه ) + 3 سلاسل + منزلقه بمنتصف ال5 سلاسل من السطر السابق + 9 اعمده على اعمدة السطر السابق بين كل عمود والاخر سلسله ونكمل لاخر السطر ونقفل بمنزلقه

من هنا حنشتغل لحد طول بداية الباط يعنى نخلص السفره بنفس شغل اخر سطر لا نزود ولا ننقص
وعلى اخر سطر من السفره نترك مكان الباط وهو متحدد فى الموديل ب5 صدفات ادام وزيهم ورا وبينهم غرزة ال9 اعمده

نشتغل 13 سلسله ونقفلهم بمنزلقه فى الجانب الاخر ونشتغل باقى السطر وبرضو عند الباط التانى نعمل نفس الشىء

السطر اللى بعده حنكمل جسم البلوزه دون زياده وتشتغلى على ال13 سلسله اللى عملناهم فى الباط صدفتين ودول بيدونا وسع للبلوزه وللباط
انا زودت فى السلاسل اللى بين الصدفات من بعد الوسط لانى احتجت اوسع من عند الجناب والهانش
وعلى اخر سطر تشتغلى الفله وهى عباره عن 3 سلاسل تطلعى بيهم وتقفلى بمنزلقه فى اول سلسله منهم وهى موضحه فى الباترون

فاضل وسع الرقبه طبعا حيحتاج يتضيق بنشتغل عليه غرزة الحشو + سلسله لو واسع اوى اشتغلى حشو فقط لحد ماتوصلى للوسع اللى عايزاه والاخر تشتغلى فله

وتكملى الاكمام للطول المطلوب انا ضيقت من بعد الكوع بشويه قللت من السلاسل اللى بين الصدفات لحد ما ظبطت للوسع المطلوب وتشتغلى الفله على الحرف

ومبروك عليكى البلوزه

يارب يكون شرحى واضح واى سؤال انا فى الخدمه باذن الله

منقول جزاها الله خير صاحبة الموضوع

تسسلم يمينك على رووعه طرحك~
الله يعطيكي الف عاآآآآآآفيه ...
ولاتحرمينا من جديدك وفيض ابداعاااك ..
دمتي بخير..~
.. Question

..

بلوزه حلوه نرجو المزيد

» طريقة عمل بلوزة حريمي بالخطوات المصورة بلوزة كروشيه بالخطوات وطريقة العمل 2014
» عمل بلوزة حريمي
» بلوزة حريمي بالباترون
» طريقة عمل بلوزة جميلة حريمي
» شرح منقول لعمل بلوزة حريمي رائعة