طريقة عمل جاكيت اطفال

بسم الله الرحمن الرحيم

النهارده هاوريكم طريقه عمل الجاكيت ده

[ندعوك للتسجيل في المنتدى أو التعريف بنفسك لمعاينة هذه الصورة]

نشوف مع بعض الطريقه

بسم الله

1-تشتغلي سلاسل علي قد دوران الوسط وازيد عشرسلاسل

2-تاني سطر ولبداية اى سطر تشتغلي 3 سلاسل في الخيط التخين و2 في الرفيع ثم تشتغلي في كل غرزه عمود

3-تشتغلي 3 سلاسل ثم تسيبي عمود من السطر اللي تحت وتشتغلي عمود علي تاني عمود ثم سلسله ثم عمود في نفس الغرزه ثم سلسله ثم عمود في تالت غرزه من السطر اللي تحت ثم عمود وسلسله وعمود في نفس الغرزه وهكذا طول السطر

4- السطر اللي بعده تشتغلي عمود ثم سلسله ثم عمود في وسط العمودين اللي في السطر اللي تحت ثم سلسله وفي وسط العمودين التانيين تشتغلي عمود سلسله عمود وهكذا طول السطر وكل السطور اللي بعدها الي ان تصلي لتحت الباط

5-تبتدي تحردى للباط وده بيكون بالطريقه المشروحه في قسم تعليم الكروشيه

6-خلصتي الجزء الصدرى تلفي الشغل يعني الجزء اللي اشتغلتيه تخليه لتحت يعني تقلبي الشغل وتشتغلي عادى

تشتغلي بدل العمود والسلسله والعمود عمودين ثم سلسله ثم عمودين وتسيبي 5سلاسل وتشتغلي تاني عمودين وسلسله وعودين وهكذا طول السطر

7- تاني سطر تعملي 3 سلاسل وفي وسط العمدان تشتغلي عمودين وسلسله وعمود وهكذا

8- بعد اربع سطور تشتغلي بين الاربع عماويد سلسله يبقي هتشتغلي عمودين ثم سلسله ثم عمودين في نفس الغرزه ثم سلسله وتسيبي 5 سلاسل وتشتغلي تاني في وسط ال4 عماويد 4 عماويد تاني وبعد 4 سطور تاني تشتغلي بين ال4 عماويد سلسلتين علشان يوسع الجاكيت ليعطي دوران الهنش

9- نشتغل الكم بنفس الطريقه المشروحه في قسم تعليم الكروشيه

10- بعد مانعمل الكم نلف الشغل ونشتغل الاسوره وهي هتكون بنفس طريقة الجزء السفلي من الجاكيت

11-اما الكاب هيكون بانك تشتغلي سلاسل بدوران الرأس يعني من اول الكتف اليمين وتضعي السلسله علي راسك ثم تنزليها للكتف الشمال من الداخل مش من حرف الكتف ثم تشتغلي الكاب زى الجزء الصدرى من الجاكيت بالضبط

12-لحد ماتلاقي الشغل عامل زى الشال ووصل لما تضعيه علي راسك انه يقفل من الخلف يعني حطيه علي راسك من الكتف للكتف ومن الخلف تقدري تمسكي الحرفين وازيد شويه

13- لما يوصل لكده وعند بداية السطر امسكي الحرفين واشبكيهم ببعض بغرزة منزلقه ثم ثبتي الكاب في الجاكيت بمنزلقات برضه في حرف الجاكيت

14- قفلي الجاكيت باى شكل حواف يعجبك ممكن تكون فستونات او مثلثات او اى شكل اخر

جربي ولو وقف امامك اى حاجه قوليلي ياقمر
_________________

[ندعوك للتسجيل في المنتدى أو التعريف بنفسك لمعاينة هذه الصورة]

تًحٍ ـيه معٍ ـطٍرٍهْ

مـوٍآأإضيٍع گـمٍ يٍضآهٍـي تٍع ـپٍيـرٍيٍ لٍـهـٍآآ

فٍحٍ ـرٍوٍفٍـيٍ تٍـآآئٍههٍ وٍگَلٍم ـٍآآتٍـيٍ ضٍـآآئٍعٍ ــهٍ

تقپٍلـوٍآ مـرٍوٍرٍي عـٍلى صًفـٍحآتـگًم أإلـچًم ـٍيلٍه

سَـلآم ـٍي وٍگُـلٍ أإحٍ ـتٍرٍآمـي

[ندعوك للتسجيل في المنتدى أو التعريف بنفسك لمعاينة هذه الصورة]

» شرح طريقة عمل جاكيت اطفال
» عمل جاكيت اطفال
» ورشة منقولة لعمل جاكيت كروشيه اطفال
» طريقة عمل جاكيت كروشيه صيفي
» طريقة عمل جاكيت بنات بالخطوات المصورة