ورشة عمل اللكلوك

[ندعوك للتسجيل في المنتدى أو التعريف بنفسك لمعاينة هذه الصورة]

نبدأ الأول بدائرة سحرية وفيها 9 عواميد

الصف الثاني .. عامودين في كل غرزة = 18 عامود

الصف الثالث .. عامود عامودين عامود عامودين ..... إلخ = 27 عامود

الصف الرابع .. عامود عامود عامودين عامود عامود عامودين ... إلخ = 36 عامود

الصف الخامس .. هاطلع في كل غرزة عامود ومش هازود حاجة = 36 عامود

هاكرر الصف الخامس (بدون زيادة عواميد) لحد مايبقى عندي 12 صف

الصف الثالث عشر .. هازود أربع عواميد اوزعهم في اي حته عشان يدي وسع شوية = 40 عامود

الصف الرابع عشر .. كل غرزة فيها عامود = 40 عامود

الصف الخامس عشر أيضا بدون زياده = 40 عامود

(في اللكلوك اللي في الرابط هي عملت الجزء الأمامي 6 صفوف وانا عملت 15 صف عشان يغطي الرجل كلها )

دلوقتي نبدأ نقفل الجزء الوسط والخلفي

(في الرابط هي اشتغلت 23 عامود وسابت 9 عواميد في المنتصف )

الصف السادس عشر .. انا هاشتغل 30 عامود وهاسيب 10 عواميد

وهاكرر الصف اللي فات لحد ما يبقى عندي 25 صف( اللكلوك كله من اول صف لآخر صف 25 صف)

وبعدين هاقفل بالطريقة المذكورة في الرابط

دلوقتي هابدأ اعمل رقبة الكوتشي

( في الرابط هي عملت غرزة حشو عشان التقفيل )

أنا بدل غرزة الحشو هاعمل عواميد عادية ... هاعمل 3 سطور

وبعدها هاغير لون الخيط للون الفوشيه واعمل كمان صفين عواميد

وبكده بقى عندي الرقبة 3 صفوف أسود و صفين فوشيه يعني 5 صفوف

الصف السادس هاشتغل عامود وسلسلة وعامود وسلسلة عشان يديني الجزء اللي هيتني بعدين

هاكرره كمان 3 صفوف

وبكده تكون رقبة اللكلوك 5 صفوف عواميد و4 صفوف عامود سلسلة

ملاحظة : وسع رقبة اللكلوك بيتحكم فيها عدد العواميد اللي سيبتها في بداية الجزء الوسط .. انا سيبت 10 عواميد عاوزة تضيقي الرقبة بتقللي العدد ده ولو عاوزة توسعيها هتزودي العدد ده

هاجيب ابرة عادية او ابرة كانافاه (إيتامين ) وهادخل فيها الخيط الفوشيه وأعمل شكل رباط الكوتشي اللي قدام كأني باخيط عادي

» ورشة ستارة بخرز ملون ورشة منقولة لعمل ستارة بالخرز
» ‏ ورشة بليرو صيفي ل أم طارق شرف ‏ ورشة بليرو صيفي
» ورشة عمل شال النونو
» ورشة عمل شراب
» ورشة طقم كروشيه بناتى