سيدة مسلمة Admin
اسم الدولة : عدد المساهمات : 2808 نقاط : 19607 تقييم : 128 تاريخ التسجيل : 26/05/2013 العمر : 53 الموقع : http://www.mslemat.com/
لعب الادوار مرئي للجميع: الخبرة,
| موضوع: نصائح ذهبية لكي سيدتي الأربعاء أبريل 30, 2014 9:33 pm | |
| نصائح ذهبية لبونبونات صفحتي ----------------------------------- 1 -لو وقعتى زيت على الارض متجريش تجيبى فوطة وتمسحيه لا رشيى عليه ملح وسبيه دقيقتين تلاتة وبعدين اكنسية بالمقشة والجاروف واتفاجئي بالسحر ولا اكن في حاجة وقعت 2 - لما تيجى تعملي فراخ بانيه او بوفتيك افردي كيس بلاستك وحطى عليه البقسماط والتتبيلات وتبلي عليه وبعدين لما تخلصي لمى الكيس وارميه على طول كدة هتوفري غسيل طبق كمان هتحمى حوضك من الانسداد بسبب البقسماط اللي بيقع في الحوض اثناء الغسيل 3- حطى حتة فحم في طبق صغير في اى مكان بيطلع روائح غير مستحبة زى الجزامات والتلاجات والفريزر و اى ضلفة مطبخ او خزين بتسحب كل الروائح تماما 4- لما يقع منك بيض على الارض او على التربيزة بيض نى طبعا اوعى تمسحيه بفوطة لا امسحيه بمنديل كلينكس وارمى على طول لان الفوطة بتبقى ريحتها وحشة اوى لو مسحتى بيها بيض حتى بعد الغسيل وكذلك اللبن 5- ما تمسحيش رخامات المطبخ بالكلور امسحيها بالخل بيقتل الجراثيم ومادة طبيعية 6- لو عندك حاجة نحاس متجبيش نحيتها مايه بنص ليمونة وادعكيها هترجع جديدة 7- لو عندك مكواه بخار وحاسة ان كفائتها قلت حطى في خزان الماية خل وسخنيها وسبيها ربع ساعة في الفيشة على اعلى درجة وبعدين اضغطى على دافع البخار لحد ما يتبخر كل الخل حتلاقي طلع حاجات كدة زى الطين ودى رواسب الماء لما بيغلي ويتبخر وكررى الطريقة مع مايه عادية مرتين لشطف خزان الماء وفوطة مبلولة امسحى الرواسب اللي خرجت حتلاقيها رجعت جديدة 8- عاوزة عيون البوتجاز الاستانلس تبرق انقعيها مع قشر ليمون ومايه سخنة في طبق وبعدين بصابونة وش لوكس او كامى او اى حاجة حطى منها حته على ليفه وادعكى هترجع جديدة زي الشمس 9- لبسي الباسكت اللي في الغرف اكتر من كيس فوق بعض بحيث يتملي واحد تشليه تلاقي واحد مكانه وبكدة توفري وقتك في تغيير الكيس كل يوم 10- دايما خلى عندك فرشةبايد وهاتى علبة شاور جل او شامبو فاضيه وحطى فيها سائل تنظيف انا بحط كلوركس كلين اول ووانتى بتغسلي وشك الصبح حطى شوية سائل وادعكى الحوض في اقل من دقيقة بقى زى الفل 11- اول ماتصحى الصبح وانتى لسه بتلبسي شبشبك عدلي ملاية السرير والمخدات وبكدة تكونى خلصتى من مهمة يومية من غير ماتخدي باللك 12- وانتى واقفه تعملى الشاى ولا النسكافيه على ما الماية تغلي روقى ضلفة واحدة في المطبخ تكون عاوزة تتظبط | |
|
اميرة انا مشرفة
اسم الدولة : عدد المساهمات : 389 نقاط : 1331 تقييم : 60 تاريخ التسجيل : 06/01/2014
لعب الادوار مرئي للجميع: الخبرة,
| موضوع: رد: نصائح ذهبية لكي سيدتي الخميس مايو 01, 2014 12:33 pm | |
| مشكورة ع النصائح الحلوة والمفيدة
بس اخر نقطة مافهمت شو يعني | |
|