سيدة مسلمة Admin
اسم الدولة : عدد المساهمات : 2808 نقاط : 19607 تقييم : 128 تاريخ التسجيل : 26/05/2013 العمر : 53 الموقع : http://www.mslemat.com/
لعب الادوار مرئي للجميع: الخبرة,
| موضوع: شرح فستان بنوتة تحففففة الأربعاء أبريل 09, 2014 4:23 pm | |
| [ندعوك للتسجيل في المنتدى أو التعريف بنفسك لمعاينة هذا الرابط]
الفستان بيبدأ من الوسط بنعمل سلاسل على قد محيط وسط البنوتة ويكون عددها يقبل القسمة عشان هنشتغل عليها من فوق غرزة حرف V وزى ما وضحت بالاسهم هنشتغل فى الاتجاه 1 عشان نعمل الصدر والباترون ده ملائم جداااا لشكل الصدر [ندعوك للتسجيل في المنتدى أو التعريف بنفسك لمعاينة هذا الرابط]
انا لقيته وانا بابحث بالصدفة على موقع اخر وفعلا زي شكل صدر الفستان بالظبط بعد ما نعمل السلاسل ونقفلها بنعمل 3 ارتفاع السطر ثم س (سلسلة )ثم ع (عمود بلفة )فى نفس المكان ثم نفوت 2 س من غير شغل وندخل فى التالتة نعمل ع س ع فى نفس الغرزة ونكرر لاخر السطر السطر التانى هنعمل نفس الغرزة ع س ع فى فراغ السلسلة اللى وسط العمودين بحيث يكون شكلها سبعات فوق بعض هتعملى عدد السطور اللى توصلك لحد الابط وتبد أى فى الحردة يعنى تقسمى الشغل نصفين نصف للامام ونصف للخلف وبعد كده تعملى حردة الرقبة فى الامام وحردة الرقبة الخلفية فى الضهر والباترون هيسهل لك المأمورية ان شاء الله [ندعوك للتسجيل في المنتدى أو التعريف بنفسك لمعاينة هذا الرابط] بعد كده ترجعى للشغل فى الاتجاه 2 [ندعوك للتسجيل في المنتدى أو التعريف بنفسك لمعاينة هذا الرابط] [ندعوك للتسجيل في المنتدى أو التعريف بنفسك لمعاينة هذا الرابط] هنعمل الجزء السفلى من الفستان وان شاء الله تمشى على الباترون التالى [ندعوك للتسجيل في المنتدى أو التعريف بنفسك لمعاينة هذا الرابط] هو ده باترون الفستان بتاعك اللى معمول من الكرانيش يعنى انتى بتخلصى الكورنيش الواحد وبعدين تبتدى تانى نفس الباترون من تحت الكورنيش الاول
اول سطرين من الباترون هتمشى ع س ع س ...لاخر السطر لكن تقسيم الغرزة بعد كده يخليكى لازم تتأكدى ان عدد الغرز فىاول سطر اللى هو سطر البداية يقبل القسمة على 20 سلسلة لان الغرزة بتكرر كل 20 سلسلة يبئى لازم قبل الشغل خالص نعمل عدد سلاسل يقبل القسمة على 20وفى نفس الوقت على 3 يعنى يقبل القسمة على 60 ومتخافيش الخيط القطن الرفيع السلسة بتاعته صغيرة وهتعملى عدد كبير شوفى الصورة التالية [ندعوك للتسجيل في المنتدى أو التعريف بنفسك لمعاينة هذا الرابط] علمت لك على عدد السلاسل فى الفستان كل 20 س بلون عشان اسهل العد والمجموع للامام والخلف = 300 سلسلة طبعا تقبل على 60
بعد ما تخلصى اول دور حسب الباترون اعلاه -(وارجو انك تمشى على ناحية مستقيمة منه وتتركى الجزء الاوسط اللى فيه انحناء لانه مخصص لموديل جاكيت -هتكررى نفس الجزء المستقيم ) هنبدأ فى الدور التانى من الكورنيش وده هنعمله على اسطر الاعمدة قبل الاخير من الكورنيش الاول يعنى هنسيب اخر سطر اللى هو غرزظة البيكو اللى زى الفستونات الصغيرة اوى على الحرف ونسيب كمان السطر اللى قبله اخر سطر فى الاعمدة ونمسك السطر اللى قبله اللى هو السطر القبل الاخير فى الاعمدة نشتغل عليه من اول الباترون تانى من اول السطر رقم 1 شوفى العلامات اللى فى الصورة التالية [ندعوك للتسجيل في المنتدى أو التعريف بنفسك لمعاينة هذا الرابط]
عملت لك نقط او شرط بللون الاسود على السطر اللى هتشتغلى عليه الدور الجديد من الكورنيش كل مرة ولان الباترون ده بيوسع بسبب انك بتعملى سلاسل بين الاعمدة فلما تشتغلى علي اول دور بداية تانى دور هتلاقى نفيسك بتنعملى عدد اكبر من الغرزة اللى بتتكرر فى الباترون يعنى احنا عدينا اول سطر اللى فى الصورة اللى قبل دى و علمنا كل 20 س بغرزة طلع العدد 15 غرزة اتكررت فى السطر الاول فى الدور التانى ممكن توصل ل 22 غرزة وهكذا كل دور هيزيد معاكى العدد لحد ما توصلى للطول المطلوب ولو المقاس اقل من ده هتعملى عدد سلاسل اقل فى الوسط وعدد ادوار اقل من الكورنيش [ندعوك للتسجيل في المنتدى أو التعريف بنفسك لمعاينة هذا الرابط] الحزام وطبعا سهل جداااااااااااا بتعملى 10 سلاسل او حسب العرض المطلوب وتشتغلى فوقهم بغرزة العمود بلفة لحد الطول المناسب لوسط البنوتة [ندعوك للتسجيل في المنتدى أو التعريف بنفسك لمعاينة هذا الرابط] الوردة [ندعوك للتسجيل في المنتدى أو التعريف بنفسك لمعاينة هذا الرابط] هتعملى 16 او 20 سلسلة وتقفلى بمنزلقة ثم تعملى 200 او 25 سلسلة وتشتغلى فوقهم اعمدة باطزوال مختلفة يعنى هتبتدى من طرف الورقة الخارجى بغرزة حشو ثم نص عمود ثم ع بلفة ثم ع بلفتين ثم ب 3 لفات ثم 4 لفات ثم ع ب 5 لفات وتكرريه كذا مرة فى وسط ورقة الوردة ثم تبتدى تقللى تانى يعنى ع ب 4 لفات ثم 3 ثم 2 ثم لفة ....لحد ما تعملى اخر غرزة فى السلاسل دول غرزة حشو وتقفلى فى الدايرة بمنزلقة كده خلصتى اول ورقة فى الوردة هتكررى العمل عدد الورقات اللى تحبيه فى الصورة هنا 9 ورقات وفى الاخر خالص بتعملى سطر حو او منزلقة دتاير ما يدور الورقات كلها عشان يسنجد الحرف بتاع الورقات ويخليها مشدودة كده زى الصورة بتعملى 2 من الوردة دى تشبكيهم فى بعض واحدة فوق واحدة وتخلى الاوراق تتبادل الاماكن وفوقهم تعملى دايرة من اللون التانى تثبتيها فوقهم وتخفى بيها الدايرة المفتوحة فى وسط الوردتين فوق بعض
| |
|