طريقة عمل البرتقالة من الخرز الكريستال

[ندعوك للتسجيل في المنتدى أو التعريف بنفسك لمعاينة هذا الرابط]

هى دى البرتقالة اللى حنعملها مع بعض

واعذرونى انا حعملها بخرز احمر علشان ماعنديش برتقالى ومش فاضية انزل بقالى كتيير

ااولا الادوات ___ 1/8 كيلو خرز مدور مقاس 12
خيط نايلون مقاس 80
اول حاجة نقطع خيط طويل شوية علشان ما نقعدش نوصل كتيير
ونضع خمس خرزات ونربط
تانى سطر نضع خمس خرزات ونعدى الخيط من خرزة من السطر السابق وبعدين نحط اربع خرزات ونعدى من خرزة من السطر السابق لغاية اخر السطر واخر حاجة نقفل بثلاثة اخر السطر
كدة يبقى عملنا اول سطر وده اسمة 6/1 يعنى ستة خرزات مجموع الدايرة الواحدة على خرزة من السطر السابق

ملحوظة مهمة جدا (واحنا بنعمل كل دايرة بناخد خرزة من السطر السابق وخرزة من الدايرة اللى قبلها ويكون مجموع الدايرة ستة خرزات )
يعنى كل دايرة بتتبنى على الجنبها واللى تحتها ده اساس فى شغل المجسمات وحيبان بالصور

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

نبدا السطر التالت 6/2 _______________5/1
يعنى اية الكلام دة _ يعنى نحط 5 خرزات فوق 2 من السطر السابق وبعدين نحط 3خرزات فوق واحدة من السطر السابق ونعديه الخيط على واحدة من الدايرة اللى جنبها (مهمة جدا فى كل الخطوات ) وبعد كده نحط3خرزات على اتنين و3 خرزات على واحد بالتبادل
واخلى بالى اركز مرة على 2 ومرة على واحد

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

واخر حاجة نقفل السطر بخرزتين

السطر الرابع يكون 6/2 يعنى نحط الاول اربع خرزات فوق اتنين وبعد كده نحط 3خرزات فوق اتنين من تحت وواحدة من الجنب ونقفل اخر السطر بخرزتين

[ندعوك للتسجيل في المنتدى أو التعريف بنفسك لمعاينة هذا الرابط]

معلش الخرز الاحمر خلص وحكمل بابيض سامحونى عندى امتحانات ومش فاضية انزل

[ندعوك للتسجيل في المنتدى أو التعريف بنفسك لمعاينة هذا الرابط]

السطر الخامس بردة عايز تركيز هوة بيكون 6/2__________5/2 بمعنى بنحط الاول 4خرزات فوق اتنين من السابق وبعدين 2فوق 2 من تحت ونعدية مع واحدة من الدايرة اللى قبلها وبعدين 3 فوق 2 من تحت وواحدة من الجنب وبعدين 2 فوق 2 من تحت وواحدة من الجنب بالتبادل لحد اخر السطر ونقفل السطر بحيث يكون مجموع كل الدواير واحدة 6 وواحدة 5

[ندعوك للتسجيل في المنتدى أو التعريف بنفسك لمعاينة هذا الرابط]

السطر الاخير 6/3 يعنى حنحط 3 خرزات فوق 3 من تحت (السابق) وبعدين خرتين فوق 3من تحت وواحدة من الجنب لحد اخر السطر ونقفل بواحدة

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

وكدة بنكون خلصنا البرتقالة نقطع الخيط ونربطه كويس جدا ونعدية من بين الخرز
بعدين نجيب سلك ناشف شوية وندخلة فى اخر خرزتين ثم نبرم الطرفين بتوع السلك معا وندخل فيهم شوية خرز اخضر ونعمل الفرع او باى طريقة تعجبك نتفنن شوية فى الزخرفة ممكن نعمل ورقة وممكن نحط ورقة من الحرير بتاع الورد الزينة اى حاجة يعنى الافكار كتييرة

وبكدة اكون عملت البرتقالة يارب اكون عرفت اشرح واى اسالة انا تحت امركم

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

يسلموو دياتك اختي سيدة مسلمة كتير حلووو

» طريقة عمل سبحة من الخرز الكريستال
» طريقة عمل طبق فاكهة من الكريستال
» طريقة عمل الفازة الكريستال منقولة
» طريقة منقولة لعمل طبق من الكريستال
» طريقة عمل فروع الكريستال بالخطوات المصورة