سيدة مسلمة
Admin
اسم الدولة : 
عدد المساهمات : 2808
نقاط : 19607
تقييم : 128
تاريخ التسجيل : 26/05/2013
العمر : 53
الموقع : http://www.mslemat.com/
لعب الادوار
مرئي للجميع: الخبرة,
 |  موضوع: شرح بعض انواع الحردات  السبت يناير 11, 2014 9:44 pm | |
| شرح حردة الباط
انتي بتشتغلي البلوزه للطول المطلوب ثم تقسمي البلوزه بالضبط نص امامي ونص خلفي وتحددى مكان الحرده بالضبط
ثم تيجي عند السطر الجديد ودايما بيكون البدايه عند نص البلوزه الجانبي فتعملي 5 غرز منزلقه ثم في السادسه تشتغلي سلسلتين وتبتدى تكملي السطر عادى بنفس الغرزه للبلوزه
وقبل غرزة النصف الجانبي التاني من الامام ب5غرز وماتكمليش السطر ولكن لفي الشغل واعملي سلسلتين واشتغلي سطر بس بعد السلسلتين سيبي غرزتين واشتغلي التالته جديد وكملي السطر عادى ومن الجنب التاني في اخر تلات غرزماتعمليش الا الغرزه الاخيره
وده هيكون حردة اول وتاني سطر
اما تالت سطر فاعملي نفس اللي عملتيه في تاني سطروبس كملي بعد كده السطور عادى لحد ماتوصلي للكتاف من غير تنقيص ولما توصلي للكتاف نقصي غرزتين في السطر قبل الاخير ثم غرزتين في السطر الاخير
اما حردة الرقبه
لو عاوزاها سبعه فتقيسي الغرز بالضبط وتقسميها علي 2
لو الغرز طلعت زوجي تنقصي غرزتين في النص يعني مثلا الغرز 36 غرزه الجزءالامامي فنقسمهم هيطلع عدد الغرز 18 غرز
نشتغل عادى و نيجي للغرزه ال18 ماتشتغليهاش هي وال19 وترجعي تعملي سلسلتين وتسيبي غرزه من السطر الجديد وتشتغلي في تاني غرزه وتكملي السطر عادى وكل سطر بعد كده تنقصي غرزه الي ان تكون السبعه بوسع الرقبه ماتنقصيش تاني ولكن كملي السطور الباقيه بدون تنقيص او تزويد
في الجزء ده الوجه الامامي للبلوزه هينقسم نصين وتشتغلي كل نص لوحده
اما لو عدد الغرز فردى فتيجي لغرزه النص لوحدها ماتشتغليهاش وترجعي تلفي الشغل وتبتدى سطر جديد وهكذا
اما لو عاوزاها مربعه
ودى اسهل هو انك تشوفي عدد الغرز للجزء الامامي وتقسمي العدد علي 3 واللي هيطلع تشتغلي عددهم من ناحية الباط ومن الناحيه التانيه وتسيبي اللي في الوسط ماتشتغليهوش
اما لو عاوزاها بيضاوى
ففي النص تسيبي 5 غرز وكل سطر بعد كده تسيبي من كل ناحيه غرزه | |
|
سيدة مسلمة
Admin
اسم الدولة :
عدد المساهمات : 2808
نقاط : 19607
تقييم : 128
تاريخ التسجيل : 26/05/2013
العمر : 53
الموقع : http://www.mslemat.com/
لعب الادوار
مرئي للجميع: الخبرة,
| | موضوع: رد: شرح بعض انواع الحردات السبت يناير 11, 2014 9:44 pm | |
| لكم
هتعملي سلسلة على قد دوران المعصم وتزودي شوية بحيث العدد يكون زوجي
وتقفليها
وتعملي السطر الأول عاواميد وتقفليهم بمنزلقة
تعملي 3 سلسلة بداية السطر التاني
وتعملي عامود ورا وعامود قدام علشان البليسيه
لمدة 4 عامود
وبعدين تكملي بغرزة الجاكيت اللى انتي اساسا عاملاها لغاية ما يكون وصل الى الكوع وتبدأي تقللي بقي
تعملي اول عامود وتسيبي العامود اللى بعده ما تعمليهوش وتكملي فى اللى بعده
وهكذا لغاية ما توصلي للعامود اللى قبل الأخير تسيبيه برضه وتعملي فى الأخير زي الناحية التانية
ومتقفليش الشغل من اول سطر التقليل
تلفي الشغل
وتعملي زي السطر اللى قبله بالظبط تعملي اول عامود وتسيبي اللى بعده لغاية نهاية السطر وتسيبي اللى قبل الأخير وتعملي فى الأخير الى نهاية الكم
هتلاقيه عمل معاكي الحردة
واذا حسيتي الكم هيطول
ممكن فى السطور اللى فى الوسط تديقي يعني تطنشي برضه عامود واتنين عادي يعني
| |
|
