بلوزة جميلة تشبه الشال

[ندعوك للتسجيل في المنتدى أو التعريف بنفسك لمعاينة هذه الصورة]

بصي ياقمر بسم الله
1- هنبتدى البلوزه دى باننا نشتغل سلاسل بدوران الرقبه وطبعا اوسع شويه
2-تقفلي السلاسل بمنزلقه وتشتغلي اول سطر عماويد
3- كل سطر نبتديه ب3 سلاسل وبعد مانخلصه نقفله بمنزلقه حتي لو نسيت ومقلتش
تاني سطر نشتغل عمود ثم 3سلسله ثم عمود في تاني عمودمن السطر اللي تحت
4-نشتغل نفس الكلام 3 سطور وفي الرابع هنزود يبقي عمود و4 سلسله
5-في خامس سطر هنشتغل بدل العمود عمودين و4 سلاسل
6-في اللي بعده هنشتغل 4عمود فوق العمودين و4 سلسله
7-نشتغل 5 سلسله في اول عمود ثم 5 سلسله في رابع عمود ثم 5 في اول العمدان التانيه وهكذا لاخر السطر
8- تاني سطر هنشتغل 6 سلاسل ونشبكها في وسط السلاسل اللي في السطر اللي تحت والسطر اللي بعده هتكون 7 سلاسل
نفضل نشتغل كده لحد مايكون مجموع سطور السلاسل 5 سطور
ثم نيجي للمهم وهو غرزة العنبه او العنقود

1- هتشتغلي في الاول في وسط السلاسل 4 عمود ثم 3 سلاسل ثم تسيبي مجموعة السلاسل وتشتغلي في اللي بعدها 12 عمود وتسيبي مجموعة سلاسل وفي اللي بعدها 4 عمود ثم 12 الي اخر السطر
2-تشتغلي في وسط ال4 عمود4 عمود تاني وفوق ال12 عمود 11عمود وطبعا بينهم 3 سلاسل وهكذا
3- اللي بعده هتشتغلي 3 سلاسل ثم 3 سلاسل وتمسكيهم بمنزلقه في وسط العمود ثم 3 سلاسل في العمود اللي بعده
يعني بدل العمدان هتشتغلي 3 سلاسل وتشبكيهم في كل عمود وبرضه تنقصي بدل مكان 11 عمود يبقو 10 بس وكل سطر كده
لكن في خامس سطر تشتغلي بدل ال4 عمود اللي بين الغرزه 8 عمود وتكملي عادى
4- السطراللي بعده بتنقصي السلاسل اللي في غرزة العنبه من ناحيه والناحيه الاخرى بتزودى سلاسل بين ال8 عمود علشان يبقو 4 عمود و3 سلاسل ثم 4 عمود تاني
5-اللي بعده هيبقي بين ال4 عمود 4 سلاسل وتتشبك في وسط السلاسل الاولي ثم 4 سلاسل وتشتغلي في وسط ال4 عمود التانيين 4 عمود

الي ان تصلي بغرزة العنبه الي نهايتها وتمسكي ال4 عمود من ناحيه بال4 عمود التانيين من الناحيه التانيه
وتزيد السلاسل
بعد كده كل الشغل يبقي سلاسل فقط لمده 6 سطور
هتبتدى تضعي البلوزه في رقبتك يعني تلبسيها وهتكون عامله زى الشال بعد كده تكسميها علي مقاس جسمك يعني تظبطيها وتشوفي الجمب اليمين والجمب الشمال يكونو قد بعض ويكون دوران البلوزه علي قد الوسط
واوسع شويه علشان تعرفي تلبسيها وتعلمي باى دبوس او تلفي فتله صغيره
وهتضيقي من اول اى غرزه
والسطراللي بعده هتشتغلي بس الجزء اللي انتي حددتيه
وده بانك تشتغلي الوسط لحد ماتوصلي لمكان المحدد تنقلي علي الجزء الخلفي للبلوزه وتكملي
الي ان تصلي للجزء المحدد من الجمب التاني تنقلي للجزء الاول من تاني
وتشتغلي الجزء السفلي للبلوزه لحد ماتوصلي بيها للطول اللي انتي عاوزاه
بس خلاص
هي سهله بس عاوزه تركيز

شكرا لك ع الشرح المميز
وفقك الله

» عمل بلوزة بغرزة جميلة
» بلوزة جميلة بالباترون
» عمل بلوزة جميلة وسهلة بالكروشيه
» طريقة عمل بلوزة جميلة حريمي
» باترون لعمل بلوزة جميلة بناتي