*** الجزء العلوى من الفستان
هنعمل عدد سلاسل على قد الوسط و نوسع شويه لأنه بيلم مع الشغل (لو الوسط نازل شوية زى ما انا عامله نقيس علي العضمتين بتوع الحوض او تحتهم سنة)
و يكون العدد يقبل القسمة على 16 وهنعرف ليه بعد كده هنشتغل عمود سلسلة ونكرر لحد ما يخلص اول سطر نقلب الشغل و نشتغل تانى سطر فى اتجاه عكسى يعنى سطر بالمعدول و سطر بالمقلوب
شوفوا الصورة دى هتلاقوا اتجاه كل سطر عكس التانى
[ندعوك للتسجيل في المنتدى أو التعريف بنفسك لمعاينة هذا الرابط]نكمل الشغل على فوق لحد ما نوصل لأول حردة تقابلنا وهى فى الفستان ده حردة الضهر عشان اوسع واحدة فيهم
لو هتعملوه عادى يبقى تبتدوا بحردة الكم الاول
****ملحوظة يا بنات
انا معنديش قاعدة معينة للحردات انا بجيب حاجة من لبسى فيها شكل الحردة المطلوبة و اطبق عليها
ودا شرح حردة الكم و الرقبة
[ندعوك للتسجيل في المنتدى أو التعريف بنفسك لمعاينة هذا الرابط]اهم حاجة نتأكد الاول اننا وصلنا عند الباط عشان الحردة مش تبقى واسعة ولا ضيقة
انتى هتكونى واقفة عند السهم الاحمر اللى عالشمال هنعمل غرزة تنقيص بدل عمود سلسلة عمود هيبقى تنقيص من عمودين و امشى فى اتجاه الاسهم لحد الباط التانى ونعمل تنقيص برده و نطلع للسطر اللى بعده و نعمل تنقيص برده طبعا هى اول غرزة فى السطر ونرجع للباط الاول و هكذا بس اقيس كل شويه على الحاجة الجاهزة عشان ممكن مش احتاج التنقيص بعد سطرين او تلاته وجايز احتاجه بعد كده عشان الحردة تطلع مزبوطة
كده احنا هنبقى شغالين فى الضهر او الوش اول ما نيجى عند حردة الرقبة هنسيب عدد من الغرز فى الوسط اللى بين علامتي ال x عشان دى بداية الحردة و نعمل تنقيص عند علامة x اللى انا عاملاها عاليمين و نبدأ نطلع نعمل الجزء رقم واحد فى الصورة وده الكتف الاول لحد ما نخلصه نقطع الخيط و نربطه فى الناحية التانيه لعمل الكتف التانى و بعدين نقطع الخيط
و نلف الناحية التانية و الشغل بنفس الطريقة و انا بتحكم فى وسع حردة الرقبة و الباط زى ما انا عايزة
بس خللى بالك قبل ما تبتدى الحردات اقسمى عدد المربعات او الغرز على اتنين عشان الوش و الضهر و حطى علامة و برده لما تعملى الكتف عديه ولاااازم يبقوا كل الاجزاء 1و2و3و4 نفس العدد و التنقيص لما تعمليه فى سطر تكرريه هو نفسه الناحية التانيةوكده نبقى خلصنا الجزء الصعب فى الفستان
***الجزء السفلى
نربط الخيط من تحت و نشتغل الباترون ده
[ندعوك للتسجيل في المنتدى أو التعريف بنفسك لمعاينة هذا الرابط]دا بدية الدور الاول من الفستان
وبعده نكمل بالغرزة العادية اللى هى عمود سلسلة
انا كنت بعمل الدور مكون من 9 سطور و اللى عايزة تزود مفيش مشكلة و نكرر الباترون عند بداية كل دور و هكذا لحد الطول اللى عاوزينه
[ندعوك للتسجيل في المنتدى أو التعريف بنفسك لمعاينة هذا الرابط] يجى للديييييل ركزوا معايا
دا الباترون
[ندعوك للتسجيل في المنتدى أو التعريف بنفسك لمعاينة هذا الرابط]الوحدة بتاعته بين الخطين الحمر و الخطين دول بيعرفونى مساحة كل وحدة من تحت يعنى كل وحدة مبنية على اد ايه من الفستان
اول سطر هو اهم سطر لو عملناه صح يبقى ان شاء الله مش هتقابلنا اى مشكلة و هنمشى عالباترون عااااااااااادى جدا
****اول سطر عبارة عن عمود + 5 سلاسل + عمود(نسيب من تحت 4 غرز من تحت فاااضيين )+ 5 س + ع ......الخ
****احنا لما هنعمل عمود و ال5 سلاسل و العمود اللى بعد هيتكونلنا فتحات اللى انا حاطة فيها نقط حمرا فى الباترون
***لااااااااااااااااااااازم عدد الفتحات دى يقبل القسمة على 8 عشان الوحدة بعد كده تبقى كاملة معايا
***طب و احنا نجيبها ازاى دى
[ندعوك للتسجيل في المنتدى أو التعريف بنفسك لمعاينة هذا الرابط]***احنا هنشتغل عااادى خالص اول 8 فتحات يعنى عمود +5 سلاسل و نكرر و كل ما نعمل 8 نحط دبوس او علامة عشان مش نتلخبط فى العدد
طيب نفرض لقينا اخر مسافة خالص ما تكفيش 8 فتحات (اخر وحدة مش هتبقى كاملة )
فى الحالة دى هنقسم المسافة دا لو هى صغيرة على اخر تلات او اربع وحدات اللى قبل كده يعنى ممكن نوسع شويه الفتحات (نعمل عمود +5سلاسل + عمود ....و نسيب تحتهم 5 او 6 غرز فاضيين ......)بحيث المساحة تكبر شوية فمش يتبقى عندى الجزء اللى عامل المشكلة دى
طيب لو المسافة كبيرة هنعمل العكس بقى هنضيق الفتحات بحيث تتكون عندنا وحدة جديدة خالص
و نكمل بعد كده الباترون عادى
طبعا انتو زمانكو كده دلوقتى
[ندعوك للتسجيل في المنتدى أو التعريف بنفسك لمعاينة هذا الرابط]او على لاقل كده
[ندعوك للتسجيل في المنتدى أو التعريف بنفسك لمعاينة هذا الرابط] لالالالالالالالا انا واثقة انكو شاطرين و اكيد فاهمينى مش كده و لا ايه
[ندعوك للتسجيل في المنتدى أو التعريف بنفسك لمعاينة هذا الرابط] بجد انا حاولت اوضح الجزء ده اوىىىىىىىى و يا رب يكون شرحى كويس و مفهوم
اخر حاجة التقفيل سهل جداا نيجى عند حرده الرقبة و نربط الخيط عند الكتف كده و نشتغل سطرين حشو داير ما يدور و لما نخلص نقطع الخيط و زيها بالزبط حردة الكم نربط الخيط عند الباط و نشتغل
لازم اخد بالى ما اكترش عدد غرز الحشو عشان التقفيل ما يبقاش مكشكش ........و بسسسسسسسسسسسسسس