جدول المقاسات علشان كله يحدد انهي مقاس عايز ينفذه دي مقاسات الاطفال
دا اول سطر بعد السلسال الاساسي
بعمل 8 سلاسل وبقفلهم في رابع غرزة او خامس غرزةالتقسيمة حتعمليها اذاي ؟؟
انك حتقسمي عدد الغرز العملتيها علشان تطلعي 4 اركان
بمعني حقولك عملت ايه وطبقي على العدد البتعمليه او المقاس الناوية تطبقيه انا مثلا مقاس 35 دوران الرقبة 35 سم وزود عليهم 5 سم علشان ما يبقاس ماسك ويكون واخد رحته المهم ال 40 سم دول عملو 104 سلسال وقسمتهم كالاتي 15 سلسال + 1 + 20 + 1 + 30 + 1 + 20 + 1 + 15
ال 15 دول الامام
1 ده الركنة
ال20 دا الكتف
ال 30 دا الظهر
وهكذا للجنب التاني
وصلنا لاول ركنة بعمل فيها قفلتين للسلسال يعني 8 واقفل واعمل 8 سلاسل تانين واقفل في نفس المكان باين في الصورة 3 قفلات دي كانت غلطة قفلتين بس نبدء السطر البعديه في بداية السطر اعمل ال8 سلالسل واقفلهم في اول فتحة تقبلنيوبعدين نعمل ساتر يعني عدد اقل في السلاسل ما بين كل 8 سلاسل في السطر الفات بعمل 4 او 5 سلاسل واقفل في الفرغ البعديه على حسب ما تلاقيها مظبوطة معاكي وذي ما موجود بالصورة كدا
نبدء السطر البعديه بنص فستونة يعني بطلع ارتفاع 3 سلاسل وبعدين عمود نفس الطول والعمود البعديه ااقصر ثنة والغرزة البعده بلفة واسقطها واقفل في غرزة القفلة البين مجموعة السلاسل والمجموعة البعدهاأعجبنيالفستونة البعدها كملة يعني بعمل غرزة النصف عمود الهيا بلفة واسقطها وبعدها عمود بلفة اطول ثنة وبعدها عمود بطول " ارتفاع 3 سلاسل " وتعملي سلسلة فاضية في النص وترجعي تكملي عمود بنفس الطول بعديه عمود اقصر بعديه غرزة بلفة وتسقطيها بدون ارتفاع وتقفلي
[ندعوك للتسجيل في المنتدى أو التعريف بنفسك لمعاينة هذا الرابط]تمام احنا كدا خلصنا اول سطر فستونة السطر الجاي بعديه ذي العملنا قبل كدا 4 سلاسل او 5 على حسب ما تكون مرتاحة في ايدك ومتكونش شدة الغرزة وتقفلي ما بين نص الفستونة " السلسلة الفاضية السبناها في النص " وترجعي تعملي السلاسل وتقفلي في الفستونة الوراها في المنتصف
لحد نهاية السطر وبيكون الشكل كدا
السطر البعديه بنطلع ارتفاع 3 سلاسل وبنعمل في اول فراغ 4 عموايد وبعد سلسلة وادخل في الغراغ البعديه 4 عموايد وهكذا كما موضح بالصورة
من اول هنا ببدء اكرر المرحلة من اولها يعني برجع اعيد من بداية السطر مرحلة ال 8 سلاسل واقفلهم مابين العموايد في السلسلة الفاضية وهكذا لحد الركنة واعمل فيها مجموعتين سلاسل ذي ما عملت قبل كدا واكمل لاخر السطر وباقي الاركان بنفس الطريقة
وترجعي تعملي سطر الفستونة تاني وهنا حتبقي اوضح للمش عارف يعملها اذاياعمل عمود قصير
بعدين بعمل سلسلة واحدة
وارجع اكرر بس بالعكس يعني عمود طويل بعديه عمود اقصر بعديه اقفل بعمود متسقط مرة واحدة وبعدين اقفل الفستونة
وهنا قفلتها بغرزة المنزلقة " السقطة "
واكررها لحد ما اخلص السطر
حتكملي ترتيب الغرز بتعتك عادي والزيادة ذي ما قلت في سطر السلاسل فقط وكل مرحلة تخلصيها تشوفي الركنة على الركنة المساحة الما بينهم جابت دوران الباط بتاع المقاس الانتي شغالة عليه ولا لا
طبعا مش ده المقاس بتاعي انا علشان اوريكم تقفله الباط اذاي بس فيه نقطة عايزة الفت نظركم ليها وانا بشتغل لو البليروه ده لطفلة يبقي الزيادة ذي ما شرحنا من البداية في سطر السلاسل الوسعة بس لكن لو لماقسات كبيرة زينا علشان تطريز الجسم لقيت اني محتاجة اعمل زيادة اكتر فعملت في سطر السلسل الصغير كمان زيادة في الاربع اركان
خلاص عملنا المقاس الاحنا عايزينه حنقفل الباط كدا
وحتكملو شغل عادي بعيد عن الكمين علشان تعملي الطول الانتو عايزينو للبليروه وطبعا بنفس ترتيب الغرز
واااااادي البليروه