سيدة مسلمة Admin
اسم الدولة : عدد المساهمات : 2808 نقاط : 19607 تقييم : 128 تاريخ التسجيل : 26/05/2013 العمر : 53 الموقع : http://www.mslemat.com/
لعب الادوار مرئي للجميع: الخبرة,
| موضوع: ورشة بلوفر حريمي الثلاثاء ديسمبر 24, 2013 3:23 pm | |
| [ندعوك للتسجيل في المنتدى أو التعريف بنفسك لمعاينة هذه الصورة] الدرس الأول : ده باترون المربع الأساسي هنستخدمه فى الظهر والأمام يعنى هنعمله مرتين [ندعوك للتسجيل في المنتدى أو التعريف بنفسك لمعاينة هذا الرابط]
بلون الروز الفاتح هنعمل 6 سلاسل ونقفل بمنزلقة السطر الاول (روز فاتح) : نعمل فى الدائرة 12 غرزة حشو ونقفل بمنزلقة السطر الثانى ( روز فاتح) : نطلع ب 3 سلاسل تمثل أول عمود بلفة نعمل 23 عمود بلفة (2 عمود فى كل غرزة حشو) ونقفل بمنزلقة كده يبقى عندى 24 عمود السطر الثالث ( روز فاتح): نطلع بسلسلة واحدة تمثل ارتفاع غرزة حشو ثم 5 سلاسل ثم غرزة حشو فى العمود الثالث (( نعمل غرزة حشو فى العمود الرابع ثم 5 سلاسل ثم حشو فى العمود السادس)) نكرر ما بين القوسين لآخر السطر يعنى (( نعمل غرزة حشو فى العمود السابع ثم 5 سلاسل ثم حشو فى العمود التاسع ...... وهكذا)) ونقفل بمنزلقة كده يبقى عندى 8 أقواس أو فستونات السطر الرابع (نبيتى) : نعمل 2 منزلقة على اول سلسلتين من السطر السابق نطلع ب 3 سلاسل ونعمل عمودين نقفلهم كلهم مرة واحدة (لو مش مفهمومة الجملة دى قولولى) نعمل 3 سلاسل ثم 3 عمدان مقفولين مرة واحدة (غرزة الفيشارة) ثم 3 سلاسل ثم (غرزة الفيشارة) كل ده على أول قوس القوس التانى 3 عمدان مقفولين مرة واحدة (غرزة الفيشارة) + 3 سلسلة + (غرزة الفيشارة) + 3 سلسلة + (غرزة الفيشارة) وهكذا على كل قوس ونقفل فى الآخر بمنزلقة
ملحوظة على السطر الرابع: يبقى كده كل قوس فيه 3 فيشارات واحدة فى اوله وواحدة فى نصه وواحدة فى آخره تمام؟ الدرس الثانى السطر الخامس: (نبيتى) نرتفع 6 سلاسل ((ثم حشو قبل الفيشارة اللى فى النص + 3 سلاسل + حشو بعد الفيشارة اللى فى النص ثم 3 سلاسل ثم نعمل عمود بلفة قبل الفيشارة اللى فى آخر القوس بس منقفلهوش نسيب آخر لفتين عالابرة ونعمل عمود تانى بعد الفيشارة اللى فى أول القوس التانى هنخرج من اول لفتين وبعدين نخرج منهم كلهم مرة واحدة (فيعملوا شكل رقم 8 بالعربي) واضحة الحتة دى؟ ثم 3 سلاسل)) ونكرر ما بين الاقواس لنهاية السطر ثم نعمل عمود قبل الفيشارة الاخيرة ونقفله بمنزلقة فى السلسلة التالتة من اول 6 سلاسل عملناهم فى السطر ده السطر السادس: (اوف وايت) نطلع بسلسلة ثم حشو فى نفس المكان ((ثم سلسلتين ثم 7 عمود بلفة فى تانى 3 سلاسل من السطر السابق ثم سلسلتين ثم حشو فوق العمودين اللى على شكل 8بالعربي _ قفلناهم مرة واحدة_)) نكرر ما بين القوسين لاخر السطر ( 7مرات كمان) فى آخر وحدة مش هنعمل الحشو الأخيرة ونقفل بمنزلقة فى أول حشو عملناه فى السطر ده السطر السابع: (اوف وايت) نطلع بسلسلة ثم حشو فى نفس المكان (( ثم سلسلة ثم عمود فوق كل عمود بينهم سلسلة ** يعنى ع + س + ع + .........** آخر حاجة سلسلة ثم حشو فوق الحشو من السطر السابق)) نكرر ما بين القوسين لاخر السطر ( 7مرات كمان) فى آخر وحدة مش هنعمل الحشو الأخيرة ونقفل بمنزلقة فى أول حشو عملناه فى السطر ده السطر الثامن: (كحلى) نعمل منزلقة فى اول سلسلة من السطر السابق ثم سلسلة ((ثم حشو فوق اول عمود ثم 5 سلاسل وتسيبى عمود وتعملى حشو فى اللى بعده و5 سلا سل وتسيبى عمود وتعملى حشو فى اللى بعده كررى كمان مرة ثم 5 سلاسل )) وكررى ما بين القوسين لآخر السطر ( 7مرات كمان) فى آخر وحدة مش هنعمل 5 سلاسل فى الاخر لا هنعمل 3 بس ثم نصف عمود فوق اول حشو علمناه فى السطر ده كده كل 5 سلاسل تعملنا قوس السطر التاسع: (كحلى) نرتفع 4 سلاسل ثم عمودين بلفتين فى نفس المكان ثم 2 سلسلة ((ثم 3 عمود بلفة فى اول قوس ثم 2 سلسلة كررى آخر سطر مرة كمان فى ال قوس التانى ثم 3 نصف عمود + 2 سلسلة فى القوس التالت ثم 3 حشو + 2 سلسلة فى القوس الرابع ثم 3 نصف عمود + 2 سلسلة فى القوس الخامس القوس السادس والسابع نكرر ما فعلناه فى القوس الاول والثانى فى القوس الثامن نعمل 3 عمود بلفتين + 4 سلسلة + 3 عمود بلفتين + 2سلسلة )) نكرر ما بين القوسين لآخر السطر لكن فى آخر وحدة نعمل بعد اول 3 عمدان بلفتين 2 سلسلة ( وليس 4 ) ثم نصف عمود ومنزلقة فى اول 4 سلاسل فى السطر ده | |
|
سيدة مسلمة Admin
اسم الدولة : عدد المساهمات : 2808 نقاط : 19607 تقييم : 128 تاريخ التسجيل : 26/05/2013 العمر : 53 الموقع : http://www.mslemat.com/
لعب الادوار مرئي للجميع: الخبرة,
| موضوع: رد: ورشة بلوفر حريمي الثلاثاء ديسمبر 24, 2013 3:26 pm | |
| الدرس الثالث السطر العاشر: ( كحلى ) ارتفعى 3 سلاسل واعملى عمودين بلفة فى نفس المكان ثم سلسلتين فوق العمودين بلفتين وبعدين نعمل فوق السلسلتين اللى من السطر السابق 3 عمود بلفة ثم فوق (اى 3 عمدان بلفة او 3 نصف عمود او 3 غرزة حشو او 3 عمود بلفتين ) اى حاجة تقابلنا منهم نعمل سلسلتين فى الزوايا عند الاربع سلاسل اللى بين العمدان اللى بلفتين نعمل الاتى (3 عمود بلفة + 5 سلسلة + 3 عمود بلفة) وهكذا نمشي لآخر السطر هنلاقى اخر حاجة هنعملها 5 سلاسل نقفل بمنزلقة فى السلسلة التالتة من اول 3 سلاسل عملناهم السطر ده السطر 11 : ( اوف وايت) ارتفعى 3 سلاسل واعملى عمودين بلفة فى نفس المكان ثم سلسلتين ثم 3 عمود بلفة فوق اول سلسلتين عملناهم من السطر السابق وهكذا نمشى طول السطر فوق اى 3 عمدان سلسلتين وفوق السلسلتين 3 عمود بلفة نيجى فى الاركان عند الخمس سلاسل اللى بين العمدان نعمل الاتى (3 عمود بلفة + 5 سلسلة + 3 عمود بلفة) وهكذا نمشي لآخر السطر هنلاقى اخر حاجة هنعملها 5 سلاسل نقفل بمنزلقة فى السلسلة التالتة من اول 3 سلاسل عملناهم السطر ده ونعمل منزلقتين فوق اول عمودين السطر 12: ( اوف وايت) نكرر السطر 11 السطر 13: (فوشيا ) نطلع بسلسلة واحدة ثم غرزة حشو واحدة وبعدين طول السطر فوق اى 3 عمدان بلفة 3سلاسل وفوق السلسلتين غرزة حشو واحدة ونيجى فى الاركان فوق ال 5 سلاسل نعمل الاتى ( حشو+ سلسلة + حشو + 2 سلسلة + حشو+ سلسلة + حشو) آخر السطر هنلاقى آخر حاجة 3 سلاسل نقفل بمنزلقة فى اول سلسلة من السطر السطر ال 14 : (فوشيا ) نكرر السطر 13 كده خلصنا اول باترون وزى ما قلت هنعمله مرتين مرة للوش ومرة للظهر
الدرس الرابع: تعديل السطر ال 14 : (فوشيا ) نكرر السطر 13 لكن عند الزوايا أو الأركان نعمل الآتى: فوق الحشو واحد حشو ثم فوق السلسلة نعمل 3 سلاسل ثم "حشو + سلسلة + حشو" فوق السلسلتين ثم 3 سلاسل ثم حشو فوق الحشو الأخير كده خلصنا اول باترون وزى ما قلت هنعمله مرتين مرة للوش ومرة للظهر الجزء الخلفى (الظهر): السطر ال 15: نطلع ب 3 سلاسل ** ثم فوق أول حشو نعمل ( عمود + سلسلة + عمود) ثم عمود واحد فوق ال 3 سلاسل من السطر السابق ** ونكرر ما بين النجوم ** ** حتى نصل للزاوية أو الركن فى السطر السابق المكون من ( حشو + سلسلة + حشو ) ونعمل الآتى : فوق الحشو الأول نعمل (عمود + سلسلة + عمود) ثم فوق السلسلة نعمل ( 2 عمود + سلسلة + 2 عمود ) ثم فوق الحشو الأخير نعمل (عمود + سلسلة + عمود) ونكمل عادى عمود فوق ال 3 سلاسل عمود وفوق الحشو ( عمود + سلسلة + عمود) حتى نصل للزاوية ونكرر ما فعلناه فى الزاوية السابقة إلى آخر السطر وهنقفل السطر بمنزلقة فى السلسلة التالتة من أول 3 سلاسل عملناهم فى السطر ده نكرر السطر ده حتى يصل طول ضلع المربع لمقاس الكتف يعنى قيسي المسافة من كتفك اليمين لكتفك الشمال بمازورة وهيكون ده طول ضلع المربع واللى بيكون فى الغالب رقم مقاسك فى الملابس 40 أو 42 أو 44 أو .......إلخ طبعا لو بتعمل البلوفر بنفس ألوان البلوفر اللى فى الصورة هتعملى كل سطرين بلون مختلف السطر اللى قبل الأخير فى باترون الظهر: نطلع بسلسلة ثم نعمل حشو فوق اول 3 سلاسل علمناهم فى السطر السابق ثم 3 سلاسل فوق ال (عمود + سلسلة + عمود) اللى من السطر السابق ثم حشو فوق العمود التالى وهكذا حتى نصل للركن أو الزاوية نعمل الآتى: فوق ال( عمود + سلسلة + عمود) هنعمل 3 سلاسل ثم فوق ال ( 2 عمود ) حشو فى اول عمود ثم سلسلة ثم حشو فى العمود التانى فوق السلسلة نعمل سلسلتين ثم فوق ال ( 2 عمود ) حشو فى اول عمود ثم سلسلة ثم حشو فى العمود التانى ثم فوق ال( عمود + سلسلة + عمود) هنعمل 3 سلاسل ونكمل بنفس الطريقة حتى النهاية ثم نقفل بمنزلقة فوق أو سلسلة عملناها السطر ده السطر الأخير فى الظهر: نطلع بسلسلة ثم نعمل حشو فوق الحشو اللى فى السطر السابق و3 سلاسل فوق ال 3 سلاسل من السطر السابق عند الزاوية أو الركن فوق ال (حشو + سلسلة + حشو) نعمل حشو فوق الحشو الأول ثم 3 سلاسل ثم حشو فى السلسلتين التاليتين فى السطر السابق ثم سلسلتين ثم حشو فى نفس السلسلتين ثم 3 سلاسل ثم حشو فى الحشو الأخير من ال (حشو + سلسلة + حشو) من السطر السابق ونكمل بنفس الطريقة حتى النهاية ثم نقفل بمنزلقة فوق أو سلسلة عملناها السطر ده كده نكون خلصنا باترون الظهر أنا عارفة انه لسه قصير لسه هنطوله لما نشبكه مع الصدر هنطولهم مع بعض | |
|
غفرانك يارب مشرفة
اسم الدولة : عدد المساهمات : 116 نقاط : 852 تقييم : 136 تاريخ التسجيل : 06/12/2013
| موضوع: رد: ورشة بلوفر حريمي الثلاثاء ديسمبر 24, 2013 4:51 pm | |
| | |
|